Qaraǵandyda «Drevneı Rım» meıramhanasyndaǵy iske qatysty tergeý isi aıaqtaldy dep habarlaıdy Qamshy.kz aqparat agenttigi Novyı vestnık saıtyna silteme jasap.
Esterińizge sala ketsek, 1 qańtar kúni Qaraǵandydaǵy "Drevnıı Rım" meıramhanasynda bolǵan janjal kezinde bir jigit kóz jumǵan bolatyn.
Polısııa málimetinshe, kúdiktiler ishinde 14 adam bar, olardyń 13-i qamaýda bolsa, bireýi bosatylǵan. Shetelge qashyp ketken kúdikti Reseı elinde ustalǵan. Advokattyń aıtýynsha, «kúdiktini elge qaıtarý uzaq merzimdik prosess».
Quqyq qorǵaýshylar 62 tomdyq isti quraǵan. Qazir kúdiktiler men olardyń advokattary is materıaldarymen tanysýda. Kúdiktilerdiń qamaý merzimderi uzartyldy.
Birinshi qańtar kúni meıramhanalardyń birindegi tóbelesten keıin 23 jastaǵy jigittiń denesi tabylǵan. Polısııa segiz adamdy tutqyndap, Narek Gýrýrıan esimdi azamatty izdestire bastady. Oblystyq prokýratýra áleýmettik jelidegi ártúrli pikirlerden keıin ultaralyq arazdyq faktory boıynsha is qozǵady.
8 qańtar kúni Gýrýrıan óziniń tóbeleske qatysqanyn moıyndap, alaıda eshkimdi óltirmegenin aıtyp, beınejazba taratty. Segizinshi qańtarda polısııa kúdikti Gýrýrıanǵa óz erkimen berilýge keńes berdi. 9 qańtar kúni polısııa kúdikti Gýgýrıandy tutqyndady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir