• USD 468.56

  • EUR 497.56

  • RUB 7.3

  • CNY 67.18

28 Naýryz, 17:57:05
Almaty
+35°

18 Tamyz, 2019 Suhbat

Búgin ǵoı Abyroikz dúkender jelisi ulttyq kıimder men kádesyılar ázirleý isindegi belgili otandyq brend. Tórt taǵandap turǵan turaqty damý strategııasy bar kompanııa. Alaıda alǵashqyda abyroılyqtar da talaı syn-qaterden ótken. Naryqta nanyńdy taýyp jeý qıyn zamanda jetistikke jetý jeńil bolmaǵan. Sondyqtan da kompanııanyń isin dóńgeletip otyrǵan Aıdar Másimǵazynyń bıznesti júrgizý boıynsha aıtary az emes. Osy oraıda Qamshy.kz aqparat agenttigi "ulttyq kıim  bızneske qalaı aınaldy", "kásipten násip kórý úshin ne isteý kerek" degen suraqtarǵa jaýap izdemek.

Dúkender jelisiniń basshysy birshama ýaqyt buryn saıtymyzǵa bergen suqbatynda bul saladaǵy ister sývenır satýdan bastalǵanyn aıtqan-dy. Osy rette "pul tappa, jol tap" degen sóz eske túsip tur. Sondaǵy kádesyı satý – úlken maqsatqa bastar kishkentaı jol bolǵany ǵoı.

Aıdar aǵa

"Quralaıdy unatyp júrip, sývenırlerin de unatyp qaldym"

Keıipkerimizdiń bul kásipke kelýiniń ózi qyzyq. Jasynan saýdamen shuǵyldanyp, aýylda "kommersant bala" atanyp, qatarynyń aldy boldy. Qıyn-qystaý 90 jyldardyń aıaǵyna taman, 2000 jyldardyń basynda elder bir jalaqynyń ózine áreń qol jetkizgende jas kásipker shytyrlatyp aqsha sanap júrdi. Oǵan úlkeni de, kishisi de dán rıza. Tańdanyp, tamsanyp qaraıdy. Mektepti támámdaǵan soń oqýǵa túse almaı saýdaǵa shyndap den qoıdy. Biraq aryq aıtyp, semiz shyqqandy jón sanaǵandyqtan aıqaılap aıtpasa da, sol kezdiń ózinde usaq isten góri, iri dúnıeni jany qalady. О́zin izdeýmen boldy. Izdegenge – suraǵan, ómir joly ony burynnan tanys aýyldasy, búginde úıiniń tútinin tútetip, kásipte qanattasyp qatar júrgen bolashaq jary Quralaımen tabystyrdy. Jas qyz ol kezde kádesyı dúkeninde satýshy eken. Aıdar Másimǵazy ol shaq jaıly "Quralaıdy unatyp júrip, sývenırlerin de unatyp qaldym" dep kúle eske alǵany bar.

"Quralaımen kezdespes buryn qudaıdan bolashaq jar suraǵanda bylaı suraıtynmyn: Meniń alty jeńgemniń árqaısysynyń ózine tán jaqsy qasıetteri bar. Biraq maǵan eshqaısysyna uqsamaıtyn erekshe jan – anama unamdy kelin, meni abyroıly qylatyn áıel, balalaryma jaqsy tárbıe bere alatyn ana bere kór, – dep suradym. Alla ulyq qoı, suraǵanymdy berdi. Árdaıym janymda. Uzaǵynan súıindirsin!"  – deıdi keıipkerimiz.

Osylaısha ómirlik jar da, jany qalap júrgen is te oraıymen jolyqty.. Eki jas kóp uzamaı shańyraq kóterdi. Ortaq is – kádesyı, onda da ulttyq buıymdar satýmen aınalysty. Araǵa ýaqyt salyp ulttyq naqyshtaǵy kıimder óndirisin dóńgeletip, búginde urshyqsha ıirip otyrǵan jaılary bar.

Abyroı

 "Halyqtyń muqtajdyǵyn óteseń, aqsha ózi-aq keledi"

Syrttaı qaraǵanda jetistikke jetken jandardyń joly tek jeńisten turatyn sııaqty. Nemese búgingi bary men baılyǵy, bıigi men bedeli burynnan tabıǵı bolyp kórinýi múmkin. Asylynda múlde olaı emes. Olar da san ret súringen. Tek qaıta tura bildi. Osy rette áýeli minez asa mańyzdy qajettilik deıdi Aıdar Másimǵazy. Minez bolǵanda da jiger, qaırat, maqsatqa umtylý, ár sátsizdikten salyńdy sýǵa ketirmeı, kerisinshe alǵa júrý. Áldekimderdiń keritartpa sózderine ermesten, kózdegenińe týra umtylý. "Shegirtkeden qoryqsań, egin ekpe" demeı me qazaq. Kásipte de solaı! О́zińe senimsiz bosań isińniń ońǵa basýy qıyn.

Alaıda minez kásip júrgizýge qajetti negizgi qasıettiń biri ǵana. Kásipker oń, solyn baǵamdap, múmkindigin shamalap, naryqty zerttep alǵany durys. Kózsiz táýekelge barý – sátsizdikke uryndyrady. Ári ózin jetildirip, ózinen tájirıbeli, kórgeni, bilgeni kóp adamnyń aqylyn tyńdaý da artyq etpeıdi. Búgingi ınternet zamanynda ózińdi damytýdyń, ilim-bilim alýdyń joly kóp. Kásipker ózine bir kezderi bıznes-trener keńesiniń úlken kómek bolǵanyn aıtady.

"1992-1993 jyldan saýda jasap bastadyq. 2005 jylǵa deıin Qazaqstanda bıznes-trenıngter, semınarlar bolǵan joq. Bári áıteýir óz tájirıbesimen, bir qulap, bir turyp júrip jatty. Biraq báribir bızneste jón silteıtindeı, úırenetindeı birdeńe qajet. Ol kezde ondaı bolmady. О́zime únemi birdeńe jetpeıtin sııaqty kórinetin. Qaıdan túskenin, birde Braıan Treısıdiń kishkentaı kitapshasy qolyma tústi. Qatelespesem, "21 sekret ýspeha mıllıonerov" dep atalady. Oqysam, kitap quddy men úshin jazylǵandaı. Sonda 40 plıýs degen formýla bar. 40 dep otyrǵany kúnine 8 saǵattan, 5 kúndik jumys qoı. Treısı 40 saǵat kúnkóris, janbaǵý úshin jumys isteý kerek te, tabysqa jetý úshin "plıýs" ýaqyt jumys isteý qajet deıdi. Osyny oqyǵan soń búkil ómirim fılm kadrlary sııaqty kóz aldyma keldi. Qatelikterimdi túsindim. Keı adamdar bıznes-trenerler týraly "jeńil aqsha tabý jolynda júrgender" dep jatady. Biraq solardyń aıtqandarynan, kitaptarynda jazǵandarynan on jyl buryn jibergen qatelikterińdi aınalyp ótý jolyn kóresiń. Sonda "qap osy kitapty 10 jyl buryn oqyǵanymda ǵoı" deıtin kez bolady.

Búginde bıznes bastaǵysy keletinderge kádimgideı jeńil. "Aqyldy adam óziniń qateliginen túzeledi, danyshpan adam bireýdiń qateliginen túzeledi" deıdi. Túrli kitaptar oqyp, sony saralaı otyryp, shynaıy ómirmen ushtastyrsań, kásibiń násip ákelmeı qoımaıdy. Tek bizdiń bir kemshil tusymyz – bireýdiń aıtqanyn tyńdaǵymyz kelmeıdi. Nemese bireýden úırengenimizdi, ıdeıa alǵanymyzdy "aldym" dep moıyndaǵymyz kelmeıdi" –deıdi ol.

Kásipker bızneste velosıped oılap tabý mindetti emes degen pikirde. Odan da bardy damytý áldeqaıda tıimdi. Kásipte bastysy – aqsha emes, naryqtyń muqtajdyǵyn oryndaý. Qajetine jarar taýar ıa qyzmet usyný. "Halyqtyń muqtajdyǵyn óteseń, aqsha ózi-aq keledi" deıdi ol.

Aıdar Másimǵazy sharıǵat talaptaryna saı zeket, sadaqa berý, muqtaj jandarǵa kómek qolyn sozýdy ádetke aınaldyrǵan. Onyń aıtýynsha, alǵys alǵan saıyn adamnyń rýhy ósedi, joly ashylady. Kásibi de dóńgeleı túsedi. Qaıyrymdylyq jasaǵan saıyn adamnyń rızyq-nesibesiniń arta túsetinin baıqaǵan. Búginde bir top kásipkermen birigip qurǵan "Ulaǵatty urpaq" qoǵamdyq qory turaqty túrde ońdy isterge uıytqy, qaıyrymdylyq sharalarǵa bastamashyl bolyp júr. Qor oqýda ozat, talantty oqýshylarǵa únemi qoldaý bildirip keledi. Aıtalyq, byltyr 250 balaǵa shákirtaqy taǵaıyndap, kóptiń rızashylyǵyna bólengen.

"Abyroikz"- tiń keshegisi men búgini hám erteńi

Dúkender jelisi o basta "Syı otaý" dep atalypty. Halyq dúkenge syılyq alýǵa kelgendikten, ataý da soǵan maǵynalyq jaǵynan jaqyn bolsyn degen oı basshylyqqa alynǵan. Biraq ýaqyt naryq úshin kompanııa atynyń da tilge jeńil ári dybystalýy jarqyn, eleń etkizetin, shaqyryp turatyndaı bolýy tıis ekenin kórsetti. Ekinshiden, qazaqtyń ulttyq kıimi degende bazardaǵy arzan, sapasyz, úılesimi joq qytaı men qyrǵyzdar tigip jatqan dúnıelerdiń elesteıtini óndirýshilerdiń janyna batyp,  júregin syzdatty. Osy olqylyqtardyń ornyn toltyrý, qazaq kıiminiń túsip ketken qunyn, qadirin kóterý – kompanııanyń alǵa qoıǵan maqsatyna aınaldy. Ulttyq kıimniń abyroıy, sol arqyly ulttyń abyroıy bıik bolsyn degen nıetpen dúkender jelisin "Abyroikz" dep atady. О́ndirýshiler ataýdyń eselengen jaýapkershilik júgin artatynyn da jete túsinedi.

abyroı

Bul kúnderi óndirýshiler abyroı bıiginen kórinýde. Tigin sheberhanasynan shyqqan qazaqtyń ulttyq kıimderiniń dańqy el ishin aıtpaǵanda alys-jaqyn shetelderge deıin jetken. 2004 jyly Japonııada, 2008 jyly Ispanııada, 2012 jyly Ońtústik Koreıada, 2015 jyly Italııada ótken EKSPO kórmelerinde Qazaqstan atynan usynylyp, kópshiliktiń kózaıymyna aınalǵan ulttyq kıimder dál osy "abyroılyqtardyń" ónimi. Odan bólek Germanııa, Nıderlandy, Qytaı, Reseı sııaqty elderde ótken halyqaralyq kórmelerdiń tórine de kásiporyn sheberhanalarynan shyqqan kıimder qoıylǵan.

Abyroı

Byltyr kompanııa qajylyq sapardy óteýshilerge arnap biryńǵaı kıim úlgilerin tikkenderinen de kópshilik habardar. Qazaqstan musylmandar dinı basqarmasy qazaqstandyq qajylardyń biryńǵaı úlgidegi kıim kıgenin qup kórip, konkýrs jarııalady. Báıgege joǵary talap qoıyldy. Dinı kıim bolǵandyqtan jasalatyn úlginiń qıyndyǵy men jaýapkershiligi eselene túsetini belgili. Bul iste de "abyroılyqtar" sheberligi men kásibıligin dáleldep, konkýrsqa qatysqan 15 kompanııa ishinen oq boıy ozyq shyqty. Oǵan ádil-qazylar alqasynan bólek, dodaǵa túsýshilerdiń ózderi de shák keltirgen emes.

Abyroı

"Abyroikz"-tiń kıimderin elge belgili óner jáne sport adamdarnyń ústilerinen de az kórmeısiz. Solardyń qataryndaǵy belgili akter Bekjan Turys, dástúrli ánderdi shyrqaıtyn "Alataý serileri" toby, erejesiz jekpe-jek sheberleri aǵaıyndy Ardaq, Beıbit Nazarovtar dúkender jelisiniń turaqty tutynýshylary.

Abyroı

Abyroı

Kásiporynnyń ishki "ashanasynyń" jumysy júıeli tártipke negizdelgen. О́zin damytam, jetildirem degen qyzmetkerge múmkindik kóp. Qolynan is keletin, tyndyrymdy, adammen qaq-soǵy joq kadrdy basshylyq kótermelep, qyzmettik satymen ósirip otyrady. Qajettilikke qaraı kompanııa óz esebinen shetelge shyǵaryp, is-tájirıbeden ótkizedi. Qarapaıym qyzmetkerden, dúken dırektorlaryna deıin sheberlikti shyńdaýmen qatar, rýhanı kemeldený máselesine zor mán beredi. О́ıtkeni "sapaly adamnan ǵana sapaly ónim shyǵady" degen uǵym "abyroılyqtardyń" jumys júrgizýdegi basty qaǵıdaty.

Abyroı

Ulttyq kıim óndirýshileriniń bolashaqqa túzgen josparlary jeterlik. Kompanııa jaqyn keleshekte álemdik brendttermen taıtalasa alatyn, elimizde teńdesi joq, joǵary klassty kostıýmder tigýdi qolǵa almaq. Ol úshin shetelden qajetti mashınalar aldyryp, sheberlerdi tigin isi jaqsy jolǵa qoıylǵan Qyrǵyzstan, Qytaı, Túrkııa sııaqty elderde oqytyp jatyr. Artynsha, sol jaqtyń bilimi men tájirıbesin otandyq óndiriske endirmekke nıetti.

Jatsa da, tursa da ulttyq kıimniń óristep, óz bıigine shyǵýyna talmaı eńbektenip jatqan "abyroılyqtarǵa" tek tabys tileımiz!

Oqı otyryńyz:

♦ Aıdar Másimǵazy: Saýdamen aınalyspasań, "saýdań" bitedi...

♦ Atadan qalǵan kásip: Ulttyq kıim qalaı tigiledi? 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir