350-den astam shyǵysqazaqstandyq ekologııalyq aksııaǵa qatysty

Shyǵys Qazaqstan oblysynda atalmysh aksııaǵa 350-den astam adam qatysty. Onyń ishinde 50 volonter bar. Aksııa aıasynda 50 ózen jaǵalaýy men sý qoımasy qoqystan tazartylady, – dep habarlady Qamshy.kz aqparat agenttigi ShQO aqparattyq ortalyǵyna silteme jasap.

– Tarbaǵataı aýdanyndaǵy 50 shaqyrymdy quraıtyn tereńdigi 15 metrge deıingi jaǵalaýdy tazartýdy josparlap otyrmyz. Mundaı sharalardy ótkizý arqyly biz sý qoımalaryndaǵy sanıtarlyq jaǵdaıdy jaqsartamyz. Budan bólek ózen jaǵalaýlaryn qoqystardan da tazartamyz. Shyndyǵyna kelsek, ózenderdiń  astyn tazalaý jumystary sırek júrgiziledi. Al bul óz kezeginde demalýshylardyń densaýlyǵyna zııanyn tıgizetini aıdan anyq. Sol sebepten osy aksııanyń  mańyzy zor, – dedi ShQO orman sharýashylyǵy jáne janýarlar dúnıesi aýmaqtyq ınspeksııasy basshysynyń orynbasary Sanaqbek Kitapbaev.

О́ńirdegi Zaısan ózeni, О́skemen, Shúlbi sý qoımalary, sondaı-aq Sasyqkól ózenderine tazalyq jumystary júrgizildi. Nátıjesinde sýdan 34,4 myń tekshe metr nemese 345 dana qoqys shyǵaryldy.

Atalmysh aksııa eldiń barlyq jerinde uıymdastyrylýda. Al qorytyndysy 19 tamyzda jarııalanady.