• USD 468.56

  • EUR 497.56

  • RUB 7.3

  • CNY 67.18

29 Naýryz, 05:16:37
Almaty
+35°

16 Tamyz, 2019 Aımaqtar

Taraz qalasynda aýyl áıelderiniń oblystyq forýmy ótti

Jambyl oblysynyń ákimdigi, Jasyl ekonomıkany qoldaý jáne G-Global-dy damytý Koalısııasynyń uıymdastyrýymen qolǵa alynǵan jıynǵa aýyl áıelderi, kásipkerler, aýyldyq okrýgterdiń ákimderi men ózge de meımandar qatysyp jatyr.

Taraz qalasynda aýyl áıelderiniń oblystyq forýmy ótti, – dep jazady Qamshy.kz aqparat agenttigi. 

Jambyl oblysynyń ákimdigi, Jasyl ekonomıkany qoldaý jáne G-Global-dy damytý Koalısııasynyń uıymdastyrýymen qolǵa alynǵan jıynǵa aýyl áıelderi, kásipkerler, aýyldyq okrýgterdiń ákimderi men ózge de meımandar qatysyp jatyr. Aıta keter jaıt, forýmnyń ótýine áıelder isteri jáne otbasylyq-demografııalyq saıasat jónindegi Qazaqstan Respýblıkasy Prezıdenti janyndaǵy ulttyq komıssııa, halyqaralyq «Coca Cola» qory men «EXPO&WOMEN» halyqaralyq uıymy qoldaý bildirgen.

Forým jumysy bastalmas buryn Qazaqstan Respýblıkasy Parlamenti Senatynyń depýtaty, áıelder isteri jáne otbasylyq-demografııalyq saıasat jónindegi Qazaqstan Respýblıkasy Prezıdenti janyndaǵy ulttyq komıssııa tóraǵasynyń orynbasary Lázzat Súleımen, Qazaqstan Respýblıkasy Parlamenti Májilisiniń depýtaty Maıra Aısına jáne Jasyl ekonomıkany qoldaý jáne G-Global-dy damytý Koalısııasynyń Basqarma tóraǵasy, Qazaqstan Respýblıkasy Prezıdenti janyndaǵy «Jasyl ekonomıkaǵa» kóshý jónindegi keńes múshesi Saltanat Raqymbekova baspasóz konferensııasyn ótkizdi. Brıfıng barysynda olar forýmnyń negizgi maqsaty men jalpy aýyl áıelderine qoldaý kórsetýdiń mańyzdylyǵyna toqtaldy.

Forým jumysyn Jambyl oblysy ákiminiń orynbasary Murathan Shúkeev alǵy sózimen ashyp, dala mádenıetinde áıel balasynyń róli árqashan erekshe bolǵanyna toqtaldy.

– Qazaqy ortada óz múddesinen otbasy múddesiniń artyq bolýy áıelderdiń qoǵamdyq-áleýmettik belsendiligine esh kedergi bolǵan emes. Sol sebepti, qazaq dalasynda aty jalpaq jurqa málim ánshi, aqyndar men dáýlesker kúıshi, parasatymen úlgi bolǵan danalar men erligimen erekshelengen batyr analarymyz boldy.

Qazir de áıelderdiń qoǵamdyq ómirimizde alatyn orny erekshe. Búginde Jambyl oblysynda 1 mıllıonnan astam halyq bolsa, onyń 60 paıyzy aýylda turady. Onyń ishinde teń jartysy áıelder. Olardyń bir parasy áleýmettik salalarda, shaǵyn jáne orta kásipte, qyzmettiń túrli salalarynda eńbek etýde. Memlekettik, basshylyq qyzmette júrgenderi de jeterlik.

Aýyl – halqymyzdyń biregeıligi men birliginiń, tarıhy men mádenıetiniń qaınar kózi. Sondyqtan, aýyldy damytý – bizge basty maqsat. Onyń ishinde qaı salada bolmasyn batyl qadam jasap, kásibı kemeldiktiń, jaýapkershilik pen tabandylyqtyń ozyq úlgisin kórsetip kele jatqan áıelder qaýymyna qoldaý árqashan joǵary bolmaq, – dedi M. Shúkeev.

Sonan soń, Qazaqstan Respýblıkasy Parlamenti Senatynyń depýtaty, áıelder isteri jáne otbasylyq-demografııalyq saıasat jónindegi Qazaqstan Respýblıkasy Prezıdenti janyndaǵy ulttyq komıssııa tóraǵasynyń orynbasary Lázzat Súleımen, Qazaqstan Respýblıkasy Parlamenti Májilisiniń depýtaty Maıra Aısına jáne Jasyl ekonomıkany qoldaý jáne G-Global-dy damytý Koalısııasynyń Basqarma tóraǵasy, Qazaqstan Respýblıkasy Prezıdenti janyndaǵy «Jasyl ekonomıkaǵa» kóshý jónindegi keńes múshesi Saltanat Raqymbekovalar baıandama jasap, elimizdegi áıelderdiń ahýaly, olardyń kásipkerlik pen memlekettik qyzmettegi oryndary týraly sóz qozǵady.

Keshke deıin sozylǵan forým jumysy budan ári plenarlyq otyrystarmen jalǵasty. Onda kásipker kelinshekterge kórsetilip otyrǵan qoldaýlar, áleýmettik máselelerdi sheshý arqyly aýyldaǵy ómir súrý sapasyn jaqsartý, agrotýrızmdi damytýdaǵy áıelderdiń róli, aýyl áıelderi arasynda kóshbasshylardy shyǵarý, jumyssyz áıelderdi qoldaý jónindegi sharalar, otbasy qundylyqtary men qazirgi zamanǵy genderlik saıasat, aýyl sharýashylyǵymen aınalysatyn áıelderge nesıe berý máseleleri kóterildi.

Sondaı-aq, jıyn barysynda aýyl áıelderiniń respýblıkalyq forýmyna delegattar saılanyp, kásipker kelinshekter óndiretin taýarlardyń kórmesi de ótti.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir