Adamnyń basynan jasalǵan kádesyı

1976 jyly zańger Mıhael Roje Gambýrgte is-saparmen júrgende kishkentaı lashyqtan úıine kádesyı ala ketýdi uıǵarady. Túrli syılyqtardyń ishinen onyń kózine birden judyryqtaı ǵana adamnyń basytary túsedi. Shashtary, muryn, erinderi tiri adamnan aýmaıtyn músinsheniń kóbisi qara násildi adamdikine uqsatylyp jasalypty.

Sonyń ishinen aqshylyna qolyn sozǵan zańger basty tańǵala ári qorqa alady. Ári-beri qaraǵan ol músinshedegi adamnyń ózine tanys ekenin baıqaıdy. Anyqtap qaraǵan  ol bastyń Ortalyq Amerıkada iz-tússiz joǵalyp ketken ulyna qatty uqsaıtynyn ańǵarady.  Mıhael músindegi úlken meńdi kórgende onyń óz uly ekenine ábden kózi jetedi. Lashyqta satylyp turǵan balasynyń basyn ustap dereý polısııa bólimshesine kelgende, olar kóńil aıtqannan basqa kómek bere almady.

Polısııanyń sharasyzdyǵyna kúıingen áke detektıv jaldap, istiń anyq-qanyǵyn anyqtaýǵa kóshedi. Detektıv Londonnan jetkiziletin kádesyılardyń on shaqtysyn medısınalyq zertteýden ótkize kele olardyń eshqandaı materıal emes, óli adamdardyń basy ekenin biledi. Jáne ony Ońtústik Amerıkanyń Ekvador aımaǵynda turatyn hıvaro taıpasynan shyqqan úndister jasap shyǵarady eken.

Sóıtse bul kóne taıpa ejelden adam sanasyna qona bermeıtin, qatygez salt-dástúrimen tanylǵan taıpa eken. Álgi bastardy olar "tsantsa" dep ataıdy. Aldymen qurbandarynyń basyn shaýyp, keıinnen terisimen shashyn túgel sypyryp alatyn kórinedi. Shóptesin ósimdikterden daıyndalǵan qospaǵa qosyp basty ábden qaınatady. Mundaı tehnologııadan keıin adamnyń basy óte jumsaq, ıilgish bolyp  jáne kólemi kishireıip ketedi.  Sosyn ártúrli tastarmen bezendirip, tigetin jerlerin tigip qoıady.

Basty judyryqtaı demeseńiz adamnyń túri ózgermeıdi jáne uzaq jyldar saqtalady. Tennıs dobyndaı ǵana basty olar úıleriniń bosaǵasyna ilip qoıady.

Derekter boıynsha sońǵy ýaqytqa deıin mundaı qorqynyshty bastardy Patsha Koko degen laqap atpen tanylǵan  úndis jasap kelgen eken.

  Alǵabek Hamıtuly