Túrkistandyq tárbıeshilerdiń lagerdegi balalardy uryp-soqqan vıdeosy paıda boldy (vıdeo)

Áleýmettik jelide túrkistandyq lagerdegi tárbıeshilerdiń balalardy aıaýsyz uryp-soqqan vıdeosy tarady dep jazady Qamshy.kz aqparat agenttigi. Tanymal zańger Aıgúl Orynbek atalmysh oqıǵanyń Túrkistan oblysyna qarasty Búrgiliktegi "Suńqar" lagerinde bolǵanyn aıtty. 

"Tárbıeshi balalardy teýip, boqtap urýda.  Oblysta qurylys ońyp turǵan joq. Bilim, tárbıe beretin oryndarymyzdyń sıqy mynaý. Arystyń balalary qazir úıleri bitkenshe lagerlerge jiberilgen. Ata-analary balalarymyzdyń demalyp jatyr dep oılap júr aý! Qaıdan bilsin taıaq astynda júrgenin! Al lagerler Stalın kezindegi "Aljır" lagerine uqsap tur. Al balalardyń quqyǵyn qorǵaıtyn obýdsmen Arýjan Saın áý deńiz, mynaý ne masqara?!", - dep jazdy Aıgúl Orynbek.