• USD 378.65
  • EUR 430.07
  • RUB 6
  • CNY 55.1
25 Tamyz, 07:23:20
Qoryqshylardyń materıaldyq-tehnıkalyq bazasy kúsheıtiledi

10 Shilde, 2019 Ekonomıka

100 naqty qadam: Eńbegine qaraı – eńbekaqy nátıjesi

Qazirgi kezde júıeli túrde júzege asyp jatqan bar máseleni aıta ketpeske bolmaıdy. Buryn aıta ketý kerek, memlekettik apparatta bolsyn, jekelegen mekemelerde bolsyn, barlyǵyna birdeı turaqty aılyq tólenip keldi. Qazir zaman basqa. Qalaı eńbek etseń, sonyń nátıjesin kórýiń kerek. Bul – naryq talaby. Búkil álem elderinde de solaı. Mundaı júıe qazir bizdiń memlekettik qyzmet apparatynda da qoldanyla bastady. Munyń paıdasy óte zor. Munyń júzege asýyna birden bir sebep bolyp otyrǵan Elbasy Nazarbaevtyń "100 naqty qadam" Ult jospary.

Ult josparynyń 5-qadamynda "Memlekettik qyzmetkerlerdiń jalaqysyn qyzmetiniń nátıjesine baılanysty ósirý" qajettigi atap kórsetilgen. Bul óte tıimdi. Nege?

  1. Eń aldymen memlekettik apparattyń sapasy artady.
  2. Memlekettik apparatta qyzmet isteıtin qyzmetkerlerdiń jumys ýaqyty keıde 10-12 saǵatqa sozylyp ketetini bar.
  3. Mundaı jaǵdaıda, ıaǵnı 5-bapqa sáıkes, olar eńbeginiń nátıjesin kóredi.
  4. Olar jyl aıaǵyna qaraı jumys nátıjesine baılanysty kóterme bonýs alady.
  5. "100 naqty qadamǵa" sáıkes memlekettik qyzmetkerlerdiń jeke jumysynyń nátıjesi jyldyq jeke jospary men jobalarynyń oryndalýyna qatysty baǵalanady.
  6. Sonymen qatar, turaqty aılyq deńgeıi bar. Eger sen nátıjeli jumys istemeseń, osy turaqty aılyqpen kún kóresiń. Osy oraıda óziń tarazylyp, shamalap salystyryp kór. Turaqty birqalypty aılyqpen ómir súrgen jaqsy ma, joq álde, sapaly nátıjeli jumys istep, joǵary jalaqy alǵan durys pa? Árıne sońǵysy turmysqa oń áser etedi.
  7. Ult josparyna sáıkes, endi toqsan saıyn, mereke saıyn beriletin merekelik syıaqylar alynyp tastalynatyn bolady.
  8. Sondyqtan aldaǵy ýaqytta memlekettik qyzmetkerdiń arnaıy biliminiń bolýy, tájirıbeliligi, onyń jumys isteý sapasy, júktemesiniń shekten tys kóbeıýi, munyń barlyǵy da sońynda tarazylanyp, esepke alynady.
  9. Bul óz kezeginde memlekettik qyzmetke degen jaýapkershilikti arttyrady.

Jalpy eńbeginiń nátıjesine qaraı tólenetin eńbekaqy júıesi damyǵan elderde osy ýaqytqa deıin qoldanylyp keldi. Bizdiń naryqta jumys istep jatqan kommpanııalarda da bul júıe damyǵan. Endi bul bizdiń memlekettik qyzmet aparatynda da júzege  asady. Sondyqtan memlekettik qyzmetke degen qyzyǵýshylyq pen jaýapkershilik artatyn bolady. Al munyń tıimdiligi óte zor.

Besinshi qadamda "Memlekettik qyzmetkerlerdiń jalaqysyn qyzmetiniń nátıjesine baılanysty О́SIRÝ" dep aıtylǵan. Oǵan qosa, "aýystyrylatyn memlekettik qyzmetkerlerge laýazymdyq mindetterin atqarý kezeńinde olarǵa jekeshelendirý quqyǵynsyz qyzmettik páterlerdi mindetti túrde berý" degen 8-qadamdaǵy nusqaýlyqtyń máni memlekettik qyzmetke ornalasqan adam úshin óte mańyzdy. Bizdiń oıymyzsha, qazirgi zamanda bul ekeýi de asa qajetti, mindetti sharttardyń biri. О́ıtkeni "eńbegine qaraı – jemisi" demekshi, adam­nyń atqarǵan sharalary men jumysyna qaraı baǵalaý Eýropa elderinde áldeqashan óziniń oń nátıjelerin berip júrgen baǵdarlardyń biri sanalady.

2018 jyldan bastap jalaqy eki bólikten turady – turaqty jáne aınymaly. Aınymaly bólikte memlekettik qyzmetkerlerge bonýstar tólenedi, alaıda bul bólik barlyǵyna birdeı berilmeýi múmkin. Bul týraly Qazaqstan – 2050 saıty  habarlaıdy. Aıgúl  Shaımovanyń sózinshe, Prezıdenttiń tapsyrmasy boıynsha eńbek nátıjesine baılanysty jalaqy tóleýge kóshý josparlanýda. "Eńbek ótilin ǵana eskeretin qoldanystaǵy jalaqy tóleý júıesinen góri  jańa júıe memlekettik qyzmetkerdiń jumys isteıtin mekemesiniń jumysyna qosqan úlesine baılanysty bolady. Qazirgi tańda biz ádistemesin jasaqtadyq jáne onyń pılottyq qoldanylýy keler jylǵa josparlanýda", – dep habarlady QR Memlekettik qyzmet isteri jáne jemqorlyqqa qarsy agenttigi tóraǵasynyń orynbasary Aıgúl Shaımova. Agenttik ókiliniń sózinshe, turaqty bólik qyzmetkerdiń qyzmetine baılanysty bolady. Budan bólek aınymaly bólik ıaǵnı bonýstar bolady. "Aldyn ala joba boıynsha bonýstar jylyna bir ret tólenedi. Árıne, eger memlekettik qyzmetker naqty bir nátıjege qol jetkizse. Qyzmetkremen jeke jospar jasalady. Jeke jospar aıasynda onyń aldyna naqty mindet qoıylady, eger ol jaqsy baǵa alatyn bolsa oǵan bonýs tólenedi", – dep túsindirdi ol. 

Úshinshi qadamda – "Qazaqstan Respýblıkasynyń Memlekettik qyzmet jáne jemqorlyqqa qarsy is-qımyl agenttiginiń rólin arttyrý esebinen memlekettik qyzmetke alǵash ret qabyldanýshylardy irikteý resimin ortalyqtandyrý. Úsh satyly irikteý júıesin engizý" delingen. Al tórtinshi qadamda "3+3 FORMÝLASY BOIYNShA memlekettik qyzmetke birinshi ret qabyldanýshylar úshin MINDETTI TÚRDE SYNAQ MERZIMI (tıisinshe úsh aıdan keıin jáne alty aıdan keıin sáıkestilikti mejelik baqylaý)" delingen. Bul eki qadam bir-birimen tyǵyz baılanysta. Naqtylasaq, birinshi kezeń testileýden turady. Ekinshi kezeń – adamnyń jeke qasıetterin baǵalaýdan, al úshinshi kezeń áńgimelesýden quralady. Bul kezeńderdiń barlyǵynan ótken azamattarǵa sol salada qyzmet etýshilerden tálimgerler bekitilip, 3 aıdan bastap 6 aıǵa deıin synaq merzimi belgilenedi. Bul da bolsa bilikti jas mamanǵa qatysty ońtaıly oryndalar sharanyń biri dep sanaımyz.

Ildar Adılchınov

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir