Atambaevtyń áıeline qarsy qylmystyq is qozǵaldy

Qyrǵyzstannyń eks-prezıdenti Almazbek Atambaevtyń áıeli Raısa Atambaevaǵa qarsy qylmystyq is qozǵaldy dep jazady Qamshy.kz aqparat agenttigi Azattyq Radıosyna silteme jasap.

Azattyq Radıosynyń jazýynsha, bul is prezıdent apparatynyń sot reformasy jáne zańdylyq bóliminiń burynǵy meńgerýshisi Manas Arabaevtyń isi aıasynda qozǵalǵan. Bul týraly BAQ ókilderine Raısa Atambaevanyń ózi aıtqan.

"Arabaevtyń isi aıasynda búginnen bastap maǵan qarsy qylmystyq is qozǵalǵanyn jańa ǵana bildim. Men sýdıalardyń isine eshqashan aralaspaǵanymdy aıtqym keledi, saıasat las is ekenin biletinmin, sondyqtan oǵan aralaspaýǵa tyrystym. Men tipti bir de bir sýdıany tanymaımyn", - dedi Atambaeva.

Eks-prezıdenttiń áıeline qatysty qylmystyq is qozǵalǵanyn Qyrǵyzstan bas prokýratýrasy rastaǵan. 

Buǵan deıin Atambaevnyń kúıeýi, Qyrǵyzstannyń eks-prezıdenti Almazbek Atambaevtyń ústinen birneshe bap boıynsha qylmystyq is qozǵalyp, ol qamaýǵa alynǵan.