• USD 468.56

  • EUR 497.56

  • RUB 7.3

  • CNY 67.18

29 Naýryz, 09:13:01
Almaty
+35°

Qazaqstan Prezıdenti Qasym-Jomart Toqaev bilim berý júıesindegi kedergilerdi atady dep habarlaıdy Qamshy.kz aqparat agenttigi.

Bul týraly Aqordanyń baspasóz qyzmeti Twitter jelisinde prezıdenttiń sózinen úzindi jarııalady. 

"Bilim berý júıesiniń sapasyna teris yqpal etetin taǵy bir kedergi – usynylatyn reformalarda pedagogtardyń naqty qajettilikteriniń eskerilmeýi", - dedi prezıdent.

"Uly Abaı únemi synǵa alǵan masyldyq qoǵamǵa eshqashan jaqsylyq ákelgen emes. Sony túsinetin jastarymyz tek bilimmen qarýlanyp, eńbekke ǵana arqa súıeýi tıis. Adam kapıtalyna, bilim salasyna qoıylatyn talaptar múldem ózgeshe. Sapaly bilim qarqyndy damýdyń basty shartyna aınaldy. Tárbıe – sapaly bilimniń negizgi arqaýy, dińgegi. Ál-Farabıdiń «Tárbıesiz berilgen bilim – adamzattyń qas jaýy» degen sózi barsha bilim salasy qyzmetkerleriniń boı túzer baǵdary bolýy tıis. Ustazsyz adam bolmaıdy. Bárimiz de kezinde muǵalimniń tálimin alyp, bilimin úırendik. Sondyqtan, bolashaqqa jol silteıtin muǵalimniń eńbegin laıyqty baǵalaý – óte mańyzdy mindet", - dedi Toqaev baıandamasynda.

"Bul úshin bir orynda turyp qalmaı, ilgerileýimiz kerek. Sondyqtan bilimi men oıy ozyq urpaqty tárbıeleıtin muǵalimder qaýymyna zor jaýapkershilik júkteledi. Sizderdiń búgingi shákirtterińiz – Qazaqstannyń jarqyn bolashaǵy. Sapaly bilim – jetistikke jetýdiń joly ári ekonomıkany damytýdyń basty quraly. "Jeti túrli ilim biletin urpaq tárbıeleý – búgingi kúnniń negizgi mindeti", - dedi prezıdent.

"Elbasy "Qazaq tili úsh tildiń bireýi bolyp qalmaıdy. Úsh tildiń birinshisi, negizgisi, bastysy, mańyzdysy bola beredi" dep óte ónegeli oı aıtty. Sondyqtan, aǵylshyn tilin oqytýdy 2-3-synyptan nemese 5-synyptan bastaý oryndy ári tıimdi bolady dep sanaımyn", - dedi Toqaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir