Arystyqtarǵa 100 myń teńge qashan aýdarylady?

Túrkistan oblysynyń ákimi О́mirzaq Shókeevtiń tóraǵalyǵymen ótken apparat jıynynda tótenshe jaǵdaıdan búlingen turǵyn úıler, áleýmettik nysandar men joldarda júrgizilip jatqan qurylys jumystary jáne kásipkerler men turǵyndarǵa kórsetilip jatqan kómekterdiń jaı-kúıi talqylandy, – dep habarlady Qamshy.kz aqparat agenttigi.

Indýstrııa jáne ınfraqurylymdyq damý Birinshi vıse-mınıstri Qaıyrbek О́skenbaevtyń sózinshe, Arys qalasyndaǵy 8634 turǵyn úıdiń 7197-sine tótenshe jaǵdaı kezinde zaqym kelgen. Búginge deıin onyń 6924-inde jóndeý jumystary aıaqtalǵan. Al qalǵan úılerdiń qurylysy osy aıda bitedi dep josparlanýda.

Al, "Samuryq-Qazyna"ulttyq ál-aýqat qory" AQ-na júktelgen áleýmettik nysandardyń búginge deıin 15-iniń qurylysy aıaqtalyp tapsyrylǵan. Atalǵan qordyń basqarma basshysynyń orynbasary Arman Jetpisbaev qalǵan nysandardyń jóndeý jumystary tamyz aıynyń sońyna deıin túgel aıaqtalatynyn aıtty.

Jalpy jospar boıynsha Arys qalasyndaǵy 62 kóshe jóndeýden ótetin bolsa, qazir 45 kóshede qurylys jumystary júrýde. Búginge deıin 6-ýy el ıgiligine tapsyrylyp, taǵy 10 kósheniń jumysy tolyq aıaqtalý aldynda tur. Qalada 26 aıaldamanyń 6-ýy zamanaýı aıaldamalarǵa aýystyryldy. Anyqtaý jumystarynyń nátıjesinde qosymsha jańadan 8 aıaldama qoıý qajettigi belgili bolǵan.

Sondaı-aq, jıyn barysynda tótenshe jaǵdaı kezinde shyǵynǵa batqan bıznes ókilderine de tıisti kómekter berilip jatqany málim boldy. Máselen qaladaǵy 536  kásipkerlik nysannyń 509-na jarylys kezinde materıaldyq shyǵyn kelgen. Olarǵa «Atameken» Ulttyq kásipkerler palatasynyń tarapynan qarjylaı qoldaýlar jáne 6 myńnan astam ártúrli kómekter kórsetilgen.

Odan bólek, tótenshe jaǵdaıdan zardap shekken arystyqtarǵa bir rettik ótemaqy tóleý maqsatynda 57 myńnan astam turǵynnyń meken-jaıy anyqtalǵan. 18 jastan asqan azamattardyń tólem kartochkalary túgel daıyndalyp, 5 tamyzdan bastap taratyla bastaǵan. Búginge deıin azamattardyń 85 paıyzy óz tólem kartochkalaryn alǵan. Qalǵan turǵyndar 9 jáne 15 sektorlarda ornalasqan mektep pen balabaqshadan baryp alýǵa bolady. Kartochkalar tolyǵymen taratylyp bolǵan soń, tıisti qarjy aýdarylady.

Atqarylǵan jumystarmen tanysyp shyqqan aımaq basshysy áli de jumysty shırata túsý kerektigin aıtty. Jaýaptylarǵa birinshi kezekte qurylys jumystaryn qajet etetin turǵyn úılerdiń máselesin tezdetip sheshýdi tapsyrdy. Sondaı-aq, áleýmettik nysandar men joldardyń qurylys jumystary jáne turǵyndar men kásipkerlerge kórsetiletin kómekter josparǵa saı der kezinde kórsetilýi kerek ekenin eskertti.

Túrkistan oblysy ákiminiń baspasóz qyzmeti