• USD 468.56

  • EUR 497.56

  • RUB 7.3

  • CNY 67.18

29 Naýryz, 02:17:09
+35°

14 Tamyz, 2019 NEWS

Qystyń qamyn jazda oıla

Semeı qalasynyń turǵyn úı-kommýnaldyq sharýashylyq jáne turǵyn úı ınspeksııasy bóliminiń basshysy Amantaı О́telbaev kómirdi jazda satyp alý kerektigin málim etti, – dep habarlady Qamshy.kz aqparat agenttigi.

Ol semeılikterdiń jeke úılerine qatty otyndy jetkizý boıynsha deldaldardyń qatysýyn boldyrmaý úshin keshendi sharalar jasalǵanyn habarlady. Atap aıtqanda, kómir satý júrgiziletin úsh orynda ony aldyn ala jasalǵan tizimder boıynsha satyp alýǵa bolady.

Kómir tıeýmen «Jiger» JShS aınalysady. Onyń qala boıynsha úsh orny belgilengen. Olar:  72 kvartal aýdanynda, Znamenka trassasynda jáne Shyǵys (Vostochnyı) kentindegi 6 saıajaı aýdanynda. Munda kez kelgen adam ótinish jasaı alady.

"Sonymen qatar, barlyq derbes bólimderge, barlyq mekemelerge jeke úılerde turatyn barlyq adamdardyń tizimderin quryp, turǵyndardyń qajettiligin anyqtaý tapsyrmasy berildi", – dep habarlady bólim basshysy.

Qazirgi ýaqytta Semeıde kómirdiń bir tonnasynyń quny 7400 teńgeni quraıdy. Sonymen qatar,  qosymsha kólik shyǵyny da bar, – dep naqtylady Amantaı О́telbaev.

Bólim basshysy barlyq áleýmettik mekemeler bekitilgen kestege sáıkes antrasıt alatynyn aıtty jáne jeke sektordyń turǵyndaryn kómirdi aldyn ala satyp alýǵa shaqyrdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir