• USD 378.65
  • EUR 430.07
  • RUB 6
  • CNY 55.1
23 Qyrkúıek, 13:59:46
Kekilbaevqa arnalǵan kesh

14 Tamyz, 2019 NEWS

Arystyqtarǵa qol ushyn bergen eriktilerge qurmet kórsetildi

Semeı qalasy ákimdiginde Arys qalasyn qalpyna keltirýge atsalysqan jandarǵa marapattar berildi, – dep habarlaıdy Qamshy.kz aqparat agenttigi.

Arystaǵy qaıǵyly oqıǵadan keıin barsha qazaqstandyqtar kómek qolyn sozýdan aıanbady. Semeıden Arys qalasyna úsh erikti brıgadasy jiberildi. Olar qalany qaıta qalpyna keltirýge belsene qatysty. Bes adamnan turatyn brıgadanyń biraz bóligi áli de sol jaqtaǵy jumystaryn jalǵastyrýda. Al, qalǵandary Semeıge oraldy. Ákimdiktiń kishi zalynda qala basshysy Arys qalasyn qalpyna keltirýge qatysqan jandardy alǵys hattarmen marapattady. Al, jergilikti kásipkerler qarjylaı syılyqtaryn tabys etti.

– Búgin biz 24 maýsym Arys qalasynda oryn alǵan jaǵdaıǵa baılanysty kómek kórsetken jandarǵa alǵys aıtýǵa jınalyp otyrmyz. Qalamyzdyń 39 turǵyny qaıta qalpyna keltirý jumystaryna qatysty. Osy jandardy qarjylaı marapattaýǵa kelgen "Polımerli buıym zaýyty" JShS men "Qazyna" oıyn-saýyq kesheniniń kásipkerlerine rızashylyǵymdy bildiremin, – dedi Ermak Sálimov.

15 kúnniń ishinde semeılikter Arys qalasynda qurylys jáne árleý jumystaryn júrgizdi. Esterińizge sala keteıik, 24 maýsym kúni Arys qalasynyń oq-dári qoımasynda jarylys bolyp, qalany dúr silkindirgen edi. Nátıjesinde turǵyndar evakýasııalanyp, úıler men qala joldary qırady. Qazirgi tańda, qalany qalpyna keltirý jumystary qarqyndy júrgizilip, turǵyndar óz úılerine birtindep oralýda.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir