15 Tamyz, 2019 NEWS
"Astana sý arnasynyń" eks-dırektory sottaldy
Nur-Sultan qalalyq qylmystyq ister jónindegi mamandandyrylǵan aýdanaralyq sotynyń úkimimen Dosaev bas bostandyǵynan aıyryldy
QR Sybaılas jemqorlyqqa qarsy is-qımyl agenttiginiń Nur-Sultan qalalyq departamenti "Astana sý arnasy" RMK burynǵy bas dırektory V.Dosaevqa qatysty sotqa deıingi tergeý sharalaryn merziminen buryn aıaqtady dep habarlaıdy Qamshy.kz aqparat agenttigi QazAqparat saıtyna silteme jasap.
Jemqorlyqqa qarsy qyzmet taratqan málimetterge qaraǵanda, Dosaev memlekettik kommýnaldyq kásiporynnyń bas dırektory bolyp jumys istep júrgen kezinde qaramaǵandaǵy qyzmetker arqyly "Tehnopolısjılstroı" JShS-niń basshysynan "Jas otbasy-2" turǵyn úı kesheninen 3 bólmeli páter jáne 60 myń dollar kólemindegi parany jyljymaıtyn múlikti JShS-ge berý qosymsha kelisimshartyn jasaǵany úshin alǵan.
"Bıylǵy jyldyń 14 tamyzynda Nur-Sultan qalalyq qylmystyq ister jónindegi mamandandyrylǵan aýdanaralyq sotynyń úkimimen Dosaev 7 jylǵa bas bostandyǵynan aıyryldy. Ol jazasyn qaýipsizdigi tómen túzeý mekemesinde óteıdi. Sottalýshy ómir boıy memlekettik qyzmette laýazymdy qyzmet atqarý quqyǵynan aıyryldy", - dep atap ótedi vedomstvodan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir