Nazarbaev pen Marjyqpaev arasynda qandaı áńgime boldy?

Nursultan Nazarbaev Aqmola oblysynyń ákimi Ermek Marjyqpaevty qabyldady dep habarlaıdy Qamshy.kz aqparat agenttigi Elbasynyń resmı saıtyna silteme jasap.

Kezdesýde Ermek Marjyqpaev Nursultan Nazarbaevqa óńirdiń damý barysy jáne áleýmettik bastamalardyń júzege asyrylýy týraly baıandady.

Qazaqstannyń Tuńǵysh Prezıdenti ekologııalyq qaýipsizdikti qamtamasyz etý jáne ulttyq saıabaqtyń tabıǵı resýrstaryn qorǵaý máselelerine nazar aýdardy. Budan bólek, Elbasy óńirdegi jastardy jumyspen qamtý máselesine toqtaldy.

Áńgimelesý barysynda áleýmettik jáne sport ınfraqurylymyn damytý, sondaı-aq turǵyndardyń tabysyn arttyrý jáne turmysy nashar azamattarǵa kómek kórsetý úshin atqarylyp jatqan sharalarǵa basa mán berildi.

Kezdesý sońynda Qazaqstannyń Tuńǵysh Prezıdenti óńirde aýyl sharýashylyǵy óndirisin damytýǵa baǵyttalǵan jobalar ázirlep, solardy iske asyrýdyń mańyzdylyǵyn atap ótti.