Dári baǵasy ósse, kez-kelgen adam myna qosymsha arqyly týra mınıstrlikke shaǵymdana alady (vıdeo)

QR Densaýlyq saqtaý mınıstrligi DariKZ atty jańa mobıldi qosymshany jaryqqa shyǵardy. Endigi ýaqytta qazaqstandyqtar úıden shyqpaı-aq dárilerdiń baǵasyn bile alady. Al dárihanada baǵa ósip ketken jaǵdaıda qoldanýshy shaǵym jasaı alady.

Eldegi dárihanalardyń bir-birinen asyp túsetin baǵa naryǵynyń betalysyna qarasaq, qoldanýshylardan túsetin shaǵymdar kóp bolatyn sııaqty. Osyndaı múmkindik úshin dárige muqtaj qalyń jurt mınıstrlikke alǵys aıtar.

Eger qosymsha arqyly shaǵym jasaǵyńyz kelse, tómendegi sharttardy oryndaısyz:

- izdeý fýnksııasyna dáriniń atyn engizý;

- «Shaǵymdaný» degen batyrmany basý;

- tirkelý kýáliginiń nomerin engizý;

- dáriniń qalypty baǵasyn tekserý;

- dárihana ornalasqan aımaqty belgileý;

- dárihananyń ataýy men meken-jaıyn kórsetý;

- óz nomerińizdi qaldyryp, kóńilińiz shapqan pikirdi jazýǵa bolady.

Bul sharttardy QR Densaýlyq saqtaý mınıstrligi jarııa etti. Siz shaǵym jasaǵan boıda, «Shaǵymdar» bólimi tolyǵyp otyrady.