Sergeı Gromov vıse-mınıstr qyzmetine taǵaıyndaldy

QR Úkimetiniń qaýlysymen Sergeı Nıkolaevıch Gromov QR ekologııa, geologııa jáne tabıǵı resýrstar vıse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlaıdy dep jazady Qamshy.kz aqparat agenttigi.

Sergeı Gromov 1959 jyly Taldyqorǵan oblysynda dúnıege kelgen.

1981 jyly Jambyl gıdromelıorasııa-qurylys ınstıtýtyn gıdromelıorasııa mamandyǵy boıynsha, 1991 jyly Almaty saıasattaný jáne basqarý ınstıtýtyn áleýmettik-saıası qatynastar teorııasy mamandyǵy boıynsha, 2002 jyly Áýlıe Ata ýnıversıtetin quqyqtaný mamandyǵy boıynsha támamdaǵan.

Eńbek jolyn 1981 jyly Jambyl gıdromelıorasııa-qurylys ınstıtýtynda oqytýshy bolyp bastaǵan.

1998 jyldan bastap memlekettik qyzmette jumys isteıdi.

Túrli jyldary Ońtústik Qazaqstan oblysynda aýdan ákimi, ákimniń birinshi orynbasary, Prezıdent Ákimshiliginiń memlekettik ınspektory bolyp jumys istedi.

2007 jyldan 2011 jyl aralyǵynda «Nur Otan» halyqtyq-demokratııalyq partııasynyń apparat basshysy, tóraǵasynyń orynbasary, hatshysy boldy.

2011 jylǵy qyrkúıekten 2013 jyl aralyǵynda QR Qorǵanys mınıstriniń orynbasary laýazymyn atqardy.

2013 jyldyń tamyzynan 2016 jyldyń qańtary aralyǵynda - V shaqyrylymyndaǵy QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi.

2016 jyldyń qańtarynan qazirge deıin — QR Parlamenti Senaty tóraǵasynyń orynbasary.