17 jyl óldige sanalǵan áıel tiri ekenin dáleldeı almaı júr

Jańaózende 17 jyldan beri marqum sanalyp kelgen áıel óziniń tiri ekenin dáleldeı almaı álek dep habarlaıdy Qamshy.kz aqparat agenttigi lada.kz saıtyna silteme jasap.

Jańaózen qalalyq soty baspasóz qyzmetiniń málimdeýinshe, áıeldiń ózi 2002 jyly marqumdar qataryna qosylǵanyn 2016 jyly bilgen. Endi sot áıeldiń ótinishi boıynsha azamattyq is qozǵap otyr.

"Sotta Mańǵystaý oblysy Aqtaý qalalyq AHAT bóliminiń 2002 jylǵy 16 shildedegi №782 jazbasyna sáıkes, azamatsha Ý. marqum sanalady. Sot otyrysynda ol ólim týraly kýáligi bar ekenin 2016 jyly bilgenin aıtty. Sodan keıin áıel buzylǵan quqyn qalpyna keltirý úshin túrli ınstansııalarǵa júgingen, biraq nátıje joq", - dep málimdedi sottyń baspasóz qyzmeti.

Sot is materıaldaryn qarap shyǵyp, ótinishti qanaǵattandyrý týraly sheshim qabyldap, Aqtaý prokýrorynyń atyna 2002 jylǵy 16 shildede qaıtys bolǵan adamnyń tulǵasyn anyqtaý úshin jeke qaýly shyǵardy.