• USD 468.56

  • EUR 497.56

  • RUB 7.3

  • CNY 67.18

29 Naýryz, 10:55:37
Almaty
+35°

24 Shilde, 2019 NEWS

Shyǵys jurty aqyn ulyna temir tulpar mingizdi

Jyr keshi Pýshkın atyndaǵy oblystyq kitaphanada kezdesýmen bastaldy.

О́miri men óleńi qamshydaı qatar órilgen Ulyqbek Esdáýlettiń jyr keshi ótti О́skemende. Bıyl kóktemde mereıli 65 jasqa tolǵan aqynǵa jerlesteri aıryqsha qurmet kórsetti. Al qasıetti Zaısan topyraǵynan túlep ushqan aqıyq óz janynan jyrsúıer qaýymdy Altaıdaı asqaq, Ertisteı tuńǵıyq óleńderimen sýsyndatty, – dep habarlaıdy Qamshy.kz aqparat agenttigi.

Qazaqstannyń eńbek sińirgen qaıratkeri, Memlekettik syılyqtyń ıegeri, Qazaqstan Jazýshylar odaǵynyń tóraǵasy, aqyn, jýrnalıst Ulyqbek Esdáýlettiń jyr keshi Pýshkın atyndaǵy oblystyq kitaphanada kezdesýmen bastaldy. Bul sharaǵa oblys ákiminiń orynbasary Ásem Núsipova, mádenıet, muraǵattar jáne qujattama basqarmasynyń basshysy Azamat Muhamedchınov jáne basqa da qurmetti qonaqtar arnaıy kelip qatysty. Emen-jarqyn áńgimelesip, ashyq suhbat túrinde órbigen kezdesýde Ulyaǵań sonaý estelikke aınalǵan bala kúnderin, "aqyndyq derti" asqynǵan jastyq shaǵyn, jýrnalıstik qyzmetindegi qyzyqtaryn ádemi ázilmen tuzdyqtaı otyryp áserli jetkizdi. О́z tarapynan kesh qonaqtary arasynan aqynnyń dosy Túsiphan Túsipbekov ótken kúnderden estelik aıtsa, aqsaqal Sovethan Qalıǵojın arnaý óleńin oqyp, aq batasyn berdi.

Sonymen qosa jınalǵan qaýym belgili ánshi Roza Rymbaevanyń arnaıy joldaǵan beınesálemin tamashalap, Maıra Qalamqyzy men Qaırat Maıjarovtyń oryndaýyndaǵy Ulyaǵańnyń sózine jazylǵan "Zaman-aı" ánin tyńdady. "Tamshy" shyǵarmashylyq ortalyǵynyń jastary aqyn óleńderin oqydy. Mereıtoı ıesine qatysty suraqtar qoıylyp, durys jaýap bergen adamdarǵa aqynnyń kitaby tartý etildi.

Budan keıin jyrsúıer jurt oblystyq drama teatrǵa jınaldy. Munda aqynnyń "Altyn uıam – Altaıym" atty shyǵarmashylyq keshiniń shymyldyǵy túrildi.

– Búgin mine jerlesterimmen qaýyshyp, keremet kesh ótip jatyr. Osyny uıymdastyrǵan oblystyń basshylyǵyna, kitaphana basshylaryna, jazdyq demalysyn qıyp kelip otyrǵan ózderińizge shyn kóńilden alǵysymdy aıtamyn. Jalpy keıingi kjyldary Shyǵysta rýhanı muramyzdy baıytatyn ońdy ister kóptep atqarylyp jatyr. Sonyń biri Berel, Shilikti, Eleke Sazy sııaqty tarıhı jerlerde júrgizilip jatqan arheologııalyq qazba jumystary. Bul bizdiń sonaý saqtar men túrkilerden qalǵan qundy jádigerlerdi álemge jarqyratyp kórsetýge múmkindik beredi, – dep atap ótken Ulyqbek Esdáýlet sahna tórinen tyńdarmanǵa arnap sııasy keppegen jańa óleńderiniń bir parasyn oqydy.  

Kópshilik aldyna shyǵyp, aqjarma tilegin arnaǵan oblys ákiminiń orynbasary Ásem Núsipova: – Sizdi uly aqyn dep bilemiz. Denińizge saýlyq, basyńyzǵa amandyq tileımin. 65 jas mereıtoıyńyz qutty bolsyn! – dep izgi tilegin jetkizip, oblys ákimi Danıal Ahmetovtiń quttyqtaý hatyn oqyp berdi. Artynan aqynnyń ıyǵyna shapan japty.

Budan keıingi sahnada aqynnyń sózine jazylǵan "Zaman aı", "Toty qus", "Gúl baqta", "Móldir meken", "Saǵynǵan joqpyn", "ákeme", "Aq jelken", "Qus joly" syndy ánder shyrqaldy. Bir ereksheligi, ol ánderdi Shyǵystyń óner juldyzdary oryndady.

Sondaı-aq bul keshte Qazaqstan Jazýshylar odaǵy tóraǵasynyń birinshi orynbasary, aqyn Aqberen Elkezek, belgili aqyn Tynyshtyqbek Ábdikákimov jáne basqalary sóz alyp, qalamdastaryna aqjarma tilegin jaýdyryp, ázil óleńderin oqydy.

 – Ulyaǵań týǵan jerine kelip jatqanda qýanyshtan shet qalmaıyq dep bizde jettik. Bul kisi memlekettik syılyqty, "Qurmet" ordenin alǵanda shyn qýanǵamyz. Kitaptary qanshama shetel tilderine aýdayryldy. Tek bizdiń ǵana emes qazaqtyń maqtanyshy bul kisi. Sondyqtan osy eldegi baýyrlary birge kelip quttyqtaıyq dep otyrmyz, – dep aǵynan jarylǵan atymtaı jomart azamat Qaırat Mýsın Ulyaǵańa temir tulpardyń kiltin ustatty.

Sóıtip Altaıdaǵy aǵaıyn-jurt aqyn ulyna osylaı qurmet kórsetti. 

 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir