"Qaýip bolsa, halyqty kóshirý kerek": Saǵyntaev oqıǵa ornyn aralady

Almaty ákimi Baqytjan Saǵyntaev oqıǵa ornyna baryp, jergilikti turǵyndarmen kezdesti. Qala basshysy sý deńgeıi tómendegenin málimdedi dep habarlaıdy Qamshy.kz aqparat agenttigi.

"Joǵarǵy jaǵynan bári aǵyp ketti, tek tómengi jaǵynda qaldy. Osyndaı aqparat kelip tústi", - dedi Almaty ákimi.

Osydan keıin qala basshysy Almaty qalasyna attanyp, №176 mektep-gımnazııasynyń ǵımaratynda josparlanǵan turǵyndarymen kezdesýge ketti. Baqytjan Saǵyntaev qazir mamandar seldiń qaýip-qaterin joıý boıynsha jumystar júrgizip jatqanyn atap ótti.

"Tańerteń adamdar jazyp jatty, alańdap qaldy. Olar qaıda barý jáne ne isteý kerektigin suraıdy. Eriktiler de óz kómegin kórsetýge daıyn. Tańerteń ishki ister mınıstrimen baılanystym. Eger bir nárse bolsa, adamdardy kóshirý kerek. Eger ózen deńgeıi kóterilse, tez tazalaý kerek. Bizdiń barlyq qyzmetimiz, Ulttyq ulan jáne basqalary tolyq daıyn. Biraq bulaı bolmaıdy dep oılaımyn", - dedi Almaty ákimi.