• USD 468.56

  • EUR 497.56

  • RUB 7.3

  • CNY 67.18

29 Naýryz, 05:40:22
Almaty
+35°

Ultymyzdyń №1-shi sport túri sanalatyn boks ónerinde buryn álemdegi negizgi qarsylastarymyzdyń biri - ala taqııaly kórshimizden kóbinese basym túsip júrgen qazaq bylǵary qolǵap sheberleri sońǵy jyldary (shamamen, 2015-2019), ókinishke oraı, bul básekede (Olımpıada oıyndary bolsyn, Álem, Azııa birinshilikteri men Azıadalar bolsyn) únemi derlik olardan kemshin túsetin «aýrýǵa» ushyrady. Jáne de mundaı jaǵymsyz jaǵdaı negizinen eresekterimizge tán bolyp, al jastarymyz táýirleý kórinip júrse, endi atalmysh «aýrý» olardy da sharpyǵanǵa uqsaıdy!

О́zderińiz oılap qarańyzdar: osydan birneshe kún buryn Kýveıtte aıaqtalǵan kadetter (mektep oqýshylary) arasyndaǵy Azııa chempıonatynda qazaqtar ózbekterden qıraı jeńildi! Qıramaǵan nesi qaldy, eger ózbek-qazaq kezdesýlerinde esep 8:1 bolsa!

Eger ózbek saıtynan alynǵan málimetterge súıene otyryp (bizdiń saıttar qaryn ashytyp, bul chempıonat nátıjelerin eshqandaı júıesiz, tek ár jerinen úzip-julyp qana berdi), naqtylaı aıtar bolsaq, mynadaı faktilerge kýá bolamyz.

Shırekfınal:
-35 kg: Hýmoıýnmırzo Abdýrasýlov — Pavel Tokarev (Kazahstan) 5:0
-58 kg: Abdýlazız Abdýrahmanov — Aıdos Mataev (Kazahstan) 5:0

Jartylaıfınal:
-40 kg: Farrýh Týlaganov — Amır Seılhan (Kazahstan) 5:0
-43 kg: Ýmıdıllo Abdýrasýlov — Bahtııar Anarbaev (Kazahstan) 3:2
-46 kg: Bobýrbek Bobojonov — Darhan Nýrjıgıt (Kazahstan) 5:0
-49 kg: Lazızbek Týlkınov — Sýltan Moldash (Kazahstan) 5:0
-64 kg: Shavkatjon Boltaev — Jandos Ersýltanov (Kazahstan) 5:0

Fınal:
-61 kg: Mırzob Nekboev – Vıktor Lıtvınov (Kazahstan) 5:0
-67 kg: Shahboz Ҳamıdýllaev – Batırhan Seıtenov (Kazahstan) 1:4

Medal úlestiretin kezeńderge nazar aýdarsaq, jartylaı fınalǵa ózbekter barlyq 14 salmaq boıynsha qatyssa, qazaqtardan 9 salmaqta 10 boksshy qatysty (43 kg. 2 boksshy), al fınalǵa 12 ózbek shyqsa, qazaqtardan tek 3 boksshy ilindi.

Chempıonat qorytyndysy:
О́zbekstan – 10 «altyn», 2 «kúmis», 2 «qola».
Qazaqstan – 2 «altyn», 1 «kúmis», 7 «qola» 
(«altyndy» Batyrhan Seıtenovten basqa, +70 kg salmaqta úndi boksshysyn jeńgen Erdos Sháripbek aldy).

2020 jyly Tokıoda Olımpıada oıyndary ótedi. Ne jasyratyny bar, myna qarqynmen qazaqtar onda 2016 jylǵy Rıo de Janeıro Olımpıadasy kórsetkishinen de tómendep kete me degen qaýip men mundalaıdy. Esterińizge sala keteıin: táýelsizdik jyldary ótken barlyq Olımpıadalarda tek jalǵyz «altyn» alǵan ózbekter Rıoda aıdy aspannan bir-aq shyǵaryp, 3 «altyn», 2 «kúmis», 2 «qolaǵa» qol jetkizdi jáne jalpykomandalyq esepte kýbalyqtardyń ózin ekinshi orynǵa syrǵytyp, jeńimpaz atandy! Al, táýelsizdik kezinde 6 «altyn» alǵan qazaqtar Rıoda 1 «altyn», 1 «kúmis», 2 «qolany» (bireýi áıelder boksynan) mise tutty.

Eger qazaq boksynyń bolashaǵy – jastardyń jaǵdaıy joǵarydaǵydaı dárejede nasharlap ketkenin, sońǵy jyldary Qazaqstanda áıelder boksynyń da jaǵdaıy máz emes ekenin, onyń ústine, AIBA prezıdenti bola júrip, «mafııa múshesi» degen kúdikke ushyraǵan ózbek Rahımovtyń kesirinen jalpy Olımpıada baǵdarlamasynan shyǵyp qala jazdaǵan erler boksynyń 10 salmaǵynan 8-i ǵana qaldyrylǵandyqtan (áıelder boksy 3 salmaqtan 5-ke kóbeıtildi) básekelestiktiń anaǵurlym arta túskenin eskersek, qazaq boksynyń basyna úıirilgen qaýip bulty qoıýlana túsetindeı bolyp kórinedi. Sol sebepti, jaman aıtpaı jaqsy joq degendeı, dabyl qaǵatyn sát kelgen sııaqty.

Mundaı jaǵdaıda Qazaqstannyń mádenıet jáne sport mınıstrligi, Boks federasııasy jáne Bas quramalardyń jattyqtyrýshylar qaýymy ne aıtar eken? Buǵan deıin mınıstr bolǵan Arystanbek Muhamedıuly (burynǵy famılııasy Álıev) mádenıetten de, sporttan da saýatsyzdyǵy saldarynan bul eki salany da keri ketirip, onyń ústine túrli janjaldardan kóz ashpaı, «pornomınıstr» ataǵyn alsa, jýyrda onyń ornyna kelgen kompozıtor Aqtoty Raıymqulovanyń ázirshe kózge túsken «jetistigi» - óziniń eshqandaı uǵym-túsinigi joq qazaq termınderine qyrǵıdaı tıip, olardy qazaqshadan «ınterultshyl» qalypqa aýystyrý jospary ǵana. Al, onyń sporttan uǵym-túsinigi, menińshe, tipti nólge teń.

Sondyqtan bar úmit tek Boks federasııasy men jattyqtyrýshylar qaýymynda. Bul turǵyda, árıne, eń aldymen Federasııa tóraǵasy Tımýr Qulybaevtyń, bokstan erler jáne áıelder quramalarynyń bas bapkerleri Ǵalym Kenjebaev pen Erik Alǵabektiń pikrilerin bilgen artyq bolmas edi...

Jasaral Qýanyshalın, feısbýk paraqshasynan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir