• USD 378.65
  • EUR 430.07
  • RUB 6
  • CNY 55.1
23 Tamyz, 19:57:52
Qoryqshylardyń materıaldyq-tehnıkalyq bazasy kúsheıtiledi

14 Tamyz, 2019 NEWS

Shymkenttiń eks-ákimine "300 myń dollardyń" qatysy qandaı?

Jergilikti jýrnalıst eks-ákimdi qala bıýdjetinen jarnamaǵa degendi jeleý etip, orynbasarynyń JShS - "APEKS-Konsaltqa" mıllıondar aýdarǵan dep aıyptady.

Shymkenttik jýrnalıst Záýre Mırzahodjaeva burynǵy qala ákimi Ǵabıdolla Ábdirahımov pen onyń orynbasary Danat Jýmın ekeýiniń ymdasa-jymdasa atqarǵan bir tirlikterin áleýmettik jelige jarııalap jiberdi. Oǵan eks-ákim jaýap qatyp úlgerdi dep habarlaıdy Qamshy.kz aqparat agenttigi Zakon.kz saıtyna silteme jasap.

Jergilikti jýrnalıst eks-ákimdi qala bıýdjetinen jarnamaǵa degendi jeleý etip, orynbasarynyń JShS - "APEKS-Konsaltqa" mıllıondar aýdarǵan dep aıyptady.

"Qarańyzdarshy, tek 2017 jyly "Jýmınniń" JShS Shymkent qalasynyń ákimdiginen 97 mıllıon teńgege memlekettik tapsyrys aldy. Bul - shamamen 300 myń dollar! Onda da bul tek Shymkent ákimdiginiń ishki saıasat basqarmasy baǵyty boıynsha ǵana. 2018 jyly bul soma azdaý bolyp qalypty, bar bolǵany - 56 myń dollar, biraq 2016 jyl - JShS úshin maıshelpekke keńelgen kezeń. Ol týraly basqa joly sóz qozǵarmyz, ázirge 2017 jyldyń tenderiniń jaıyn talqylap alaıyq. Bir qyzyǵy, 2017 jyly tenderge qoıylǵan 10 lottyń 7-i "Jýmın" kompanııasyna eshqandaı básekelessiz negizde berilgen", - dep jazdy Záýre Mırzahodjaeva.

Jýrnalıstti memleket aqshasynyń zyń sekildi halyqtyń mıyn ashytyp, kózin baılaıtyn jeńil-jelpi dúnıelerge jumsalǵany qynjyltqan.

Osyǵan qatysty Ǵabıdolla Ábdirahımovtyń ózi Bnews.kz-ke qysqasha suqbat bergen.

"Iá, men ákim boldym. Ákimdik janynda bólimder bar, konkýrstyq komıssııa degen bar, solar konkýrsty ótkizetin. Endi oılańyzshy, men sol konkýrstardyń barlyǵyn baqylap otyrýym kerek pe6 sonda? Eger aldy ma, demek, aldy. Eger qandaı da bir problemalar bolsa, onda quqyq qorǵaý organdaryna shaǵymdansyn, solar aınalyssyn6 bul ispen. Ol jaǵyna meniń narazylyǵym joq. Eger bireý zań buzǵan bolsa, onda kez-kelgen quqyq buzýshylyqqa belgili bir jaza qarastyrylǵan. Myńdaǵan báıge, konkýrs ótkizilip jatady, sonyń bárin men qadaǵalap otyra almaımyn ǵoı",- dedi eks-ákim.

Sondaı-aq, ol óziniń burynǵy orynbasary Danat Jýmındi uzaq ýaqyt kórmese de, ózderiniń qarym-qatynastary burynǵydaı durys ekenin aıtty.

Aıta ketsek, bir aıǵa jýyq ýaqyt buryn Shymkent qalasynyń ákimi Ǵabıdolla Ábdirahımov qyzmetinen alynǵan. Oǵan onyń áleýmettik jelidegi "belsendigi" keri áser etken. Londonǵa jumys saparymen barǵan ol áleýmettik jeli arqyly Otanyna sálem joldaǵan. Ol "Qazaqstanda jumys istep, shetelde qydyrý kerek osylaı" degen edi. Ony jelidegiler "Qazaqstannan aqsha urlap, shetelge aparý kerek osylaı" dep maǵynasyn maıystyryp, ábden ózin synaǵan. Bul ýaqytta Arysta qoıma jarylyp, bútin qala búlinip, el meń-zeń kez edi. Sondyqtan basshylyq ákimniń bul qylyǵyn memlekettik qyzmetkerdiń etıkasyna saı emes dep tapqan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir