• USD 378.65
  • EUR 430.07
  • RUB 6
  • CNY 55.1
22 Tamyz, 07:31:23
Senim údesinen shyqqan bank

03 Tamyz, 2019 Shyǵys Qazaqstan oblysy

ShQO-da #Birge #TazaQazaqstan aksııasy aıasynda 70 sý qoımasy tazartyldy

Ekologııalyq chellendjge eń kóp jınalǵan Semeı qalasynyń turǵyndary boldy.

Shyǵys Qazaqstan oblysynda ekinshi márte #Birge #TazaQazaqstan atty ekologııalyq aksııa uıymdastyryldy. Osy ýaqyt aralyǵynda óńirdegi sý qoımalary men jaqyn mańdaǵy demalys oryndarynan birneshe tonna qoqys shyǵaryldy. Bul jolǵy aksııaǵa 30 myńnan astam adam jınaldy, –  dep habarlaıdy Qamshy.kz aqparat agenttigi.

Atalmysh ekologııalyq chellendjge eń kóp jınalǵan Semeı qalasynyń turǵyndary boldy. Osylaısha aksııaǵa 13 myń semeılik turǵyn qatysyp, qala aýmaǵyn tazartý jumystaryna belsene qatysty.

Ekinshi oryndy 7350 adam jınalǵan О́skemen qalasynyń turǵyndary aldy. Al úshinshi orynda Altaı aýdany tur. Bul aýdanda ótken atalmysh aksııaǵa 2312 turǵyn qatysty.

ShQO

Aıta keteıik, óńirdegi 70 obektisi qoqystan tazartyldy. Onyń ishinde Úlbi ózeniniń jaǵalaýy men Ertis, Shaǵan, Qarashoqy, Aıagóz, Janama, sondaı-aq Alaıǵyr, Balyqtykól ózeni men Shalqar syndy basqa da jaǵalaýlar bar.

Búgin shyǵysqazaqstandyqtar 740 tonna nemese 2960 sharshy metrden astam qoqys jınady. Aksııa aǵymdaǵy jyldyń qyrkúıek aıynyń sońyna deıin ár apta saıyn uıymdastyrylyp turady.

Oblys turǵyndary osy ýaqyt aralyǵynda óńirdegi qorshaǵan ortaǵa tazartý jumystaryn tolyq júrgizip, ekologııalyq ahýaldy jaqsarta alatyndaryna senimdi.

Onkolog dáriger retinde qorshaǵan ortanyń tazalyǵy adamzattyń densaýlyǵyna aıtarlyqtaı paıdasyn tıgizetinin bilemiz. Sondyqtan biz bul estafetany erekshe qulshynyspen qabyldap, oǵan ár apta saıyn qatysatyn bolamyz. Menińshe, bul Qazaqstannyń aýmaǵyn qoqystan tazartyp qana qoımaı, adamdardyń mádenıetin de kóteredi, – deıdi Shyǵys Qazaqstan oblystyq kópsalaly onkologııa jáne hırýrgııa ortalyǵy dırektorynyń orynbasary Arman Muqajanov.

Esterińizge sala keteıik, #Birge #TazaQazaqstan aksııasy Shyǵys Qazaqstan oblysynda 27 shilde kúni bastaý aldy. Bir kúnniń ishinde 800 tonnadan astam qoqys jınaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir