13 Tamyz, 2019 Ǵylym-bilim
1 qyrkúıekten bastap oqýshylar men ata-analar bilim jáne ǵylym mınıstrliginiń saıtynan elektrondy oqýlyqtardy kóshirip ala alady dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.
Bul týraly vedomstvo basshysy Ashat Aımaǵambetov málimdedi.
"Bıylǵy jyldyń ereksheligi 1 qyrkúıekten bastap oqýshylar men ata-analar mınıstrlik saıtynan 1-10 synyptardyń elektrondy oqýlyqtaryn kóshirip alý múmkindigine ıe bolady. Bul ata-analar úshin jaqsy jańalyq dep sanaımyz", - dedi Aımaǵambetov úkimet otyrysynda.
Bilim mınıstrligi oqýlyqtardy baspalardan mektepterge jetkizý jumysyna monıtorıng júrgizip, qadaǵalap otyr. Búgingi kúni oqýlyqtardyń 47%-i jetkizilgen.
"1 qyrkúıekke deıin ár mektepke barlyq oqýlyq 100% jetkizilýi tıis. Ákimdikterden bul máseleni kúndelikti baqylaýda ustaýdy suraımyn", - dedi mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir