• USD 468.56

  • EUR 497.56

  • RUB 7.3

  • CNY 67.18

29 Naýryz, 09:49:33
Almaty
+35°

13 Tamyz, 2019 Barlyq aımaqtar

7 aıdaǵy ekonomıka ósimi 4,2%

Salalyq mınıstrlikterge josparlanǵan kórsetkishterge jetý boıynsha sharalardy kúsheıtý júkteldi.

QR Premer-Mınıstri Asqar Mamınniń tóraǵalyǵymen ótken QR Úkimetiniń otyrysynda 2019 jylǵy qańtar–shildedegi QR áleýmettik-ekonomıkalyq damý qorytyndysy talqylandy, – dep jazady Qamshy.kz aqparat agenttigi.

Premer-Mınıstr 2019 jylǵy 15 shildedegi Úkimettiń keńeıtilgen otyrysynda Memleket basshysy Q. K. Toqaev alǵa qoıǵan mindetter aıasynda Úkimettiń negizgi basymdyqtary – halyqtyń turmys sapasyn jaqsartý, tabysyn arttyrý, jańa jumys oryndaryn ashý, ınvestısııalyq ahýaldy jaqsartý ekenin atap ótti.

"QR Úkimetiniń keńeıtilgen otyrysynyń qorytyndysy boıynsha bekitilgen naqty sharalar jospary bizdiń ekonomıkamyzdyń odan ári damýyna oń yqpalyn tıgizetin bolady", dedi A. Mamın.

Osy jyldyń qańtar-shilde aılarynda JIО́ ósimi ótken jyldyń tıisti kezeńine shaqqanda 4,2% qurady. Oń ósim qurylysta 11,5%-dy, saýdada 7,5%-dy, kólik salasynda 5,4%-dy, óńdeý sektorynda, onyń ishinde mashın ajasaýda 17,7%-dy, jeńil ónerkásipte 14,3%-dy, tústi metaldar alýda 17,2%-dy, munaı óńdeýde 5,1%-dy qurady.

Sonymen qatar, salalyq mınıstrlikterge kómir, shıki munaı óndirý, hımııa ónerkásibi jáne qara metallýrgııa salasyndaǵy josparlanǵan kórsetkishterge jetý boıynsha sharalardy kúsheıtý júkteldi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir