12 Tamyz, 2019 NEWS
Apta basyndaǵy kadrlyq taǵaıyndaýlar
Búgin bıliktiń túrli tarmaqtarynda ártúrli deńgeıdegi kadrlyq aýys-túıister oryn aldy, – dep habarlaıdy Qamshy.kz aqparat agenttigi.
Aldymen memleket basshysynyń Jarlyǵymen Ermuhamet Ertisbaev Qazaqstan Respýblıkasynyń Belarýs Respýblıkasyndaǵy Tótenshe jáne О́kiletti Elshisi qyzmetinen, TMD Jarǵylyq organdarynyń janyndaǵy Turaqty О́kil qyzmetin qosa atqarýdan bosatyldy. Onyń ornyna buǵan deıin Qazaqstan Respýblıkasy Parlamenti Senatynyń depýtaty, ekonomıkalyq saıasat, ınnovasııalyq damý jáne kásipkerlik komıtetiniń tóraǵasy bolyp kelgen Asqar Beısenbaev taǵaıyndaldy.
Sondaı-aq Almaty ákiminiń orynbasary Erlan Áýkenov qyzmetinen ketti. Ol bul qyzmetke 2015 jyly kelgen bolatyn. 4 jylda kásipkerlik, baspana, aýyl sharýashylyǵy, áleýmettik ál-aýqat, jol máselelerimen aınalysty. Burynǵy orynbasar áleýmettik jelini belsendi qoldanatyn. Almatydaǵy LRT jelisiniń qurylysy, BRT jelisi týraly, qalalyq avtobýs parkiniń jańarýyna qatysty kóp pikir bildirgen bolatyn.
Kadrlyq ózgerister tolqynymen, Oral qalasyna da jańa basshy keldi. Batys Qazaqstan oblysynyń ortalyǵyna ákimi bolyp Abat Shynybekov taǵaıyndaldy. Abat Abaıuly sońǵy jyldary Oral qalasynyń máslıhat hatshysy, Syrym aýdanynyń ákimi, 2017 jyldyń maýsym aıynan bastap Kaztalov aýdanynyń ákimi bolǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir