Ulttyq keńestiń alǵashqy otyrysy qashan ótetini belgili boldy

Ulttyq qoǵamdyq senim keńesiniń birinshi otyrysy boljam boıynsha 28 tamyzda ótedi dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Ol týraly prezıdenttiń keńesshisi, Ulttyq keńestiń hatshysy Erlan Qarın  aldyn ala málimet berdi. 

"Qazir Ulttyq keńes qyzmetiniń mehanızmine qatysty birqatar másele bar. Qandaı jumys toptary qurylatynyn, onyń quramyna kimder kiretinin anyqtap alý kerek. Qurylǵan toptar óz otyrystaryn ótkizip, basym baǵyttardy belgileıdi degen paıymdaý bar. Kezdesýdiń naqty kúni áli kelisilip jatyr, ázirge 28 tamyz dep otyrmyz", - dedi Qarın.

Buǵan deıin úkimet otyrysynda habarlanǵandaı, Ulttyq qoǵamdyq senim keńesi aýyl sharýashylyǵy jerlerin satý jáne jalǵa berý moratorııin qaraıdy. Erlan Qarın alǵashqy jıyn jumysty uıymdastyrý sıpatynda ótedi dep túsindirdi.

Keńestiń tóraǵasy – prezıdent Qasym-Jomart Toqaev. Tóraǵanyń orynbasary – prezıdent ákimshiliginiń basshysy Qyrymbek Kósherbaev; hatshy – prezıdent keńesshisi Erlan Qarın.

Ulttyq keńestiń quramyna ártúrli salanyń qyryqtan astam sarapshysy endi.