Atambaev tutqynynda qalǵan bılik jaýyngeri oqıǵa týraly aıtyp berdi (vıdeo)

Qyrǵyzstannyń eks-prezıdenti Almazbek Atambaevty tutqyndaý maqsatynda jasaqtalǵan arnaıy toptyń birneshe sarbazy tutqynǵa túsip qalǵan. Atambaev jigitteriniń qolynda bolyp, aýyr jaralanǵan ásker kórgen-bilgenin aıtyp berdi dep jazady Qamshy.kz aqparat agenttigi.

Suhbat aýrýhanada jatqan jigitten alynǵan. Oqıǵa týraly teris qarap jatyp aıtqan jigit óziniń tutqynda bolǵanyn, Atambaev jigitteriniń aıaýsyz sabaǵanyn, basy jarylyp, aıaq-qoly synǵanyn jetkizdi.

Onyń aıtýynsha, alǵashynda áskerler rezına oqty aspanǵa atqan. Al qarsy top bulardy taspen, temirmen, qorǵasyn oqpen kútip alǵan-mys. Sonymen qatar, operasııa bastala salysymen birneshe jigit aýyr jaraqat alyp, aýrhanaǵa jóneltilgen.

Tósekke tańylǵan áskerdiń aıtýynsha, olar qajetti qarý-jaraq alyp barmaǵan. Sondaı-aq, qarańǵyda bir-birinen kóz jazyp qalypty.

Jaraly ásker qaza tapqan qarýlasyn sońǵy ret úıge kirgende kórgenin aıtady.

«Bárimiz birge kirgenbiz. Sosyn qarsy toptan saqaldy, boıshań bireý shyǵyp "sóıleseıik" dedi. Biz ekinshi qabatqa kóterilip kettik. Olar birinshi qabatta qalǵan. Odan keıin kórmedim», - deıdi jaraly ásker.

Eske sala keteıik, 7-tamyz kúni Qoı-Tashtaǵy rezıdensııasynda Atambaevty tutqyndaý operasııasy júrgizilgen-di. Atalmysh orynda qaqtyǵys bolyp, bir sarbaz qaza tapqan. Sondaı-aq birneshe jigit aýyr dene jaraqatyn alǵan.