• USD 378.65
  • EUR 430.07
  • RUB 6
  • CNY 55.1
23 Tamyz, 20:00:37
Qoryqshylardyń materıaldyq-tehnıkalyq bazasy kúsheıtiledi

11 Tamyz, 2019 Oqıǵalar

Kók-Tóbedegi órt. Belgisiz adamnyń máıiti tabyldy

Qazirgi tańda órttiń taralýy toqtatyldy. Jekelegen oshaqtardy sóndirý jumystary júrip jatyr.

Kók-Tóbe bókterinde tús qaıta tutanǵan órt sóndirilip bolysymen, taǵy eki jerden órt shyǵyp, birinen belgisiz adamnyń denesi tabyldy dep habarlaıdy, – Qamshy.kz aqparat agenttigi.

Bul týraly Almaty qalalyq Tótenshe jaǵdaılar departamentiniń basshysy Serik Áýbákirov óziniń feısbýktaǵy paraqshasynda jazdy.

"Alǵashqy órt oshaǵynan tómen, Dıvaeva kóshesi boıyndaǵy 21 úıge qarsy bette 1000 sharshy metr aýmaqta qurǵaq shóp órtiniń ekinshi deregi tirkeldi. О́rt sóndirý barysynda belgisiz adamnyń máıiti tabyldy. Onyń jynysy anyqtalý ústinde. О́rt oqıǵalarynyń bir-birimen baılanysy joq. Túngi ýaqytta avıasııa istemeıtindikten, sóndirý jumystary jerden júrgizilýde", – dedi ol.

Departament basshysy kelesi jazbasynda órt úshinshi jerden tutanǵanyn málim etti.

"Almaty garnızonynyń barlyq jeke quramy úshinshi órt oshaǵyna jumyldyrylǵan. Bar kúsh jeke turǵyn-úı sektoryn qorǵaýǵa baǵyttalǵan. Adam boıymen birdeı qýraılar túngi mezgilde sóndirý jumystaryna kedergi keltirýde. Qazirgi tańda órttiń taralýy toqtatyldy. Jekelegen oshaqtardy sóndirý jumystary júrip jatyr", – dedi Serik Áýbákirov.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir