• USD 378.65
  • EUR 430.07
  • RUB 6
  • CNY 55.1
20 Tamyz, 16:22:43
Alpınısterdiń naqty qaı jerde ekeni áli belgisiz

04 Tamyz, 2019 Mańǵystaý oblysy

Donor bolý - izgi is

Árbir úshinshi adam óz ómirinde ózge bireýdiń qanyna muqtaj.

Statıstıkaǵa súıensek, sońǵy bes aıda oblysta 2347 adam donor bolǵan. Osylaısha qan aýrýy men onkologııalyq dertke shaldyqqandardyń ómirin arashalap qalǵan. Jalpy, dárigerlerdiń aıtýynsha, qan berý fızıologııalyq jaǵynan esh qaýipsiz, qalypty jaǵdaı eken.
Aqtaýlyq Mıhaıl Vınogradov - 35 jyl qatarynan qan tapsyryp keledi. Osy ýaqyta deıin 129 ret donor bolǵan. Onyń ishinde 49 ret aýyr dertke shaldyqqan adamdardyń ómirin ajaldan arashalap qalǵan. Búginde ol Mańǵystaýdyń "qurmetti donory". Aq halattylar bul eńbegin baǵalap, arnaıy tósbelgimen de marapattaǵan.
-Men donor bolǵanymdy maqtan tutamyn. Osy arqyly bir adamnyń ómirin qutqarsam soǵan rızamyn. Buryn anam qan tapsyratyn, qazir ózim jáne balam qan tapsyrady. Eń bastysy alkogoldi sýsyn ishpeı, salaýatty ómir saltyn saqtaý kerek. Densaýlyqtan asqan baılyq joq, deıdi Mıhaıl Vınogradov.
Kez-kelgen donor eń aldymen medısınalyq saraptamadan ótedi. Sodan soń, baryp qana ony qan alý pýnktine jiberedi. Jalpy, adamnyń boıyna, salmaǵyna jáne gemoglabınine baılanysty 350-450 ml qan alynady eken.
-Bizdiń tizimde 4000-nan asa donor bar. Bular erikti túrde qan tapsyrady. Olardyń arasynda turaqty donorlarymyz da bar. Olar jylyna 2-3 ret qan tapsyrady. Oblystyń 14 medısınalyq uıymyn qanmen qamtamasyz etip otyrmyz. Kóbine sırek kezdesetin qan toptaryn suranys kóp. Máselen, 4-shi qan toby bizde tapshy. Sondaı-aq, bizde aqyly donorlyq qyzmet te bar. Jalpy, adamdardyń 97 paıyzy tegin tapsyrady qanyn. Kóbisi donor bolýdyń paıdasyn suraıdy. Bul adamǵa zııan keltirmeıdi jáne qolaısyzdyqty týdyrmaıdy, qan kóleminiń orny tez tolyp, shara qan jasaýshy prosesterdi yntalandyrady jáne belsendetedi, al bul bolsa adamǵa óz paıdasyn tıgizedi. Qan quramy jańarady. Qan donorlyǵy onkologııalyq aýrýlarǵa shaldyǵýdyń qaýip-qaterin de tómendetip, adam ómirin 5-7 jylǵa uzartady, deıdi Mańǵystaý oblystyq qan ortalyǵynyń dırektory Rafael Sarsamalıev.
Donor bolǵan adamǵa jeńildik te bar. Máselen, 10-nan asa derttiń aldyn-alý úshin tegin tekserilýden ótedi.
-Mańǵystaýda qan tapsyrǵan azamattar, ıaǵnı donorlar tegin medısınalyq kómektiń kepildendirilgen sheńberinde tegin analızderden óte alady. Mysaly, VICh-ke, gepatıt B,S nemese sıfılıske tapsyrǵan kezde. Qan tobyn anyqtaǵan kezde tegin anyqtaı alady, deıdi mindetti áleýmettik medısınalyq saqtandyrý qory MOF bólim basshysy Aıgúl Dáden.
Dárigerlerdiń aıtýynsha, bir ret qan tapsyrǵan donor úsh adamnyń ómirin qutqarady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir