Atyraý veterınarlary mal bazarlaryndaǵy maldy soıý erejeleri saqtalýyn tekserdi

Qurban-Aıt merekesinde qaladaǵy ər mal bazarlarynda eki mal dərigerleri kezekshilik etetin bolady, dep habarlaıdy Atyraý qalasy əkimdiginiń baspasóz hatshysy.

Atyraý turǵyndary qasıetti mereke Qurban-Aıtqa daıyndyq ústinde. Ol 11, 12 jáne 13 tamyz kúnderi atalyp ótedi.

Bul kúnderi qala turǵyndaryna yńǵaıly bolý úshin tórt mal soıý pýnkti jumys isteıdi: Severnaıa Promzona kóshesi, 49-daǵy «Asyl-Agro» bazary, Severnaıa Promzona 12 kóshesindegi "Ýmarova" JK soıý alańy;Týma bazary Eski áýejaı 1; sonymen qatar, Severnaıa Promzona 129 kóshesindegi "Adal" bazary.

-Búginde Atyraý mal bazarlaryna maldardy negizinen oblystyń Qurmanǵazy, Inder jáne Qyzylqoǵa aýdandarynan, sondaı-aq BQO ákelinýde. Veterınarlar eń aldymen veterınarlyq anyqtamalaryn, ýaqtyly egý jumystaryn, sondaı-aq, qulaqtarynda syrǵanyń bolýyn tekseredi. Qoıylǵan talaptarǵa səıkes kelmese kirgizilmeıdi, deıdi qalalyq veterınarııa bóliminiń sektor meńgerýshisi Asylbek Abýlǵazıev.

Máselen, «Asyl Agro» mal bazarynda, Qurban aıt merekesinde 50 mal soıýshy jumys isteıdi, olardyń 40-y qoı soısa, taǵy 10-y iri qara malyn soıatyn bolady.

Munda jyl saıyn 5 myńǵa jýyq qoı ákelinedi. Olardyń jartysy bazarǵa qurbandyqqa shalynady, qalǵanyn turǵyndar úılerinde maldy soıý úshin alyp ketedi, deıdi «Asyl Agro» sharýa qojalyǵynyń bazar ákimshisiÁbý Qulbasov.

Aıta keteıik, Atyraýda bıologııalyq mal qaldyqtaryn joıý maqsatynda mal zıraty salynýda. Nysandy paıdalanýǵa berý aǵymdaǵy jyldyń qyrkúıek aıyna josparlanǵan.