• USD 468.56

  • EUR 497.56

  • RUB 7.3

  • CNY 67.18

29 Naýryz, 12:01:21
Almaty
+35°

09 Tamyz, 2019 NEWS

Qasym-Jomart Toqaev AQSh kongressmenderin qabyldady

Kongressmender Qazaqstannyń Ortalyq Azııadaǵy beıbitshilikti, turaqtylyqty jáne qaýipsizdikti nyǵaıtýdaǵy róline joǵary baǵa berdi.

Qazaqstan prezıdenti Qasym-Jomart Toqaev AQSh Kongresi ókilderi palatasynyń músheleri Devın Nýnes pen Rık Kroýfordty qabyldady.

Kezdesý barysynda eki el arasyndaǵy strategııalyq seriktestikti keńeıtý máseleleri, sondaı-aq óńirdiń kún tártibindegi ózekti taqyryptar talqylandy.

"AQSh – Qazaqstannyń táýelsizdigin moıyndaǵan alǵashqy memleketterdiń biri. Biz saýda-ekonomıkalyq, ınvestısııalyq jáne energetıkalyq salalarda tyǵyz yntymaqtastyq ornattyq. Elderimizdiń ózara tabysty is-qımyldarynyń mańyzdy baǵyty qarýsyzdaný jáne ıadrolyq qarýdy taratpaý salasy bolyp tabylady", – dedi memleket basshysy.  

Amerıkalyq kongressmender Q.Toqaevty prezıdenttik saılaýdaǵy jeńisimen quttyqtap, kózdegen reformalarynyń tabysty júzege asýyna tilektestik bildirdi.

Kongressmender Qazaqstannyń Ortalyq Azııadaǵy beıbitshilikti, turaqtylyqty jáne qaýipsizdikti nyǵaıtýdaǵy róline joǵary baǵa berip, Aýǵanstannyń áleýmettik-ekonomıkalyq jaǵdaıyn qaıta qalpyna keltirý isindegi birlesken is-qımyldardyń mańyzdylyǵyna basa nazar aýdardy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir