Mınıstr keledi, ketedi. Oqýlyqtar máselesi sheshilmeı qalyp qoıyp jatyr

Belgili jýrnalıst Serik Ábikenuly bilim salasyna kelip jatqan basshylar oqýlyq máselesinde tek synaýmen ǵana shektelip jatqanyna nazar aýdardy.

"Bilim mınıstri aýysa sala oqýlyq synaý ádetke aınaldy. Jańa mınstr Ashat Aımaǵambetov qatelerdi tizip: "Mundaıǵa jol berilmeýi kerek. Balalarymyz osyndaı aýdarmalarmen oqýǵa májbúr. Jyl saıyn bir qatelik qaıtalanyp keledi. Bir basqan shoqty qaıta aınalyp basamyz. Qashan bitedi bul? Oqýlyqty asyǵys daıyndaý degen júıeli problemaǵa aınaldy", – depti. El "endi durystalar" dep úmittenip júr.

Munyń aldynda A. Sárinjipov: "Qazaq tilindegi oqýlyqtar kemshiliginiń ekitobyn kórsetýge bolady. Birinshi, mátinde teorııalyq materıaldardyń basym bolýy, oqýlyq mazmunynda oqýshylardyń fýnksıonaldyq saýattylyǵyn qalyptastyrýǵa baǵyt bolmaýy. Ekinshiden, ǵylymı termınderde birizdiliktiń saqtalmaýy" – degende de úmittengenbiz.

Onyń aldynda Janseıit Túımebaev: "Oqýlyq máselesi – tek qana orta bilim salasy úshin ǵana emes, kásiptiktehnıkalyq, joǵary bilim salasy úshin de óte mańyzdy másele. Bul ispen biz arnaıy aınalysýdamyz. Kóptegen sharalar qoldandyq. Eksporttyq komıssııalar quryp, barlyq pánder boıynsha jumys istedik. О́kinishke qaraı, osy kezeńge deıin jazylǵan oqýlyqtardyń jalpy sanynyń ishinde sapasyz jazylǵandar jetkilikti bolyp otyr" degende de úmittengenbiz.

Onyń aldynda da, ár mınıstrden mysal keltirse bolady. Biraq, sapaly oqýlyq, ádisteme joq. Sapaly oqýlyq shyqsa mınstrlik qaramaǵyndaǵy kúzeý-túzeý, avtor almastyrý, qaıta shyǵarýmen mılıardtar shyǵyndatyp otyrǵan "Oqýlyq" ortalyǵynyń, annan qashqan, mynnan qashqan avtorlardyń shatpaǵyn basyp, oblystardan aqsha otap otyrǵan baspalardyń bıznesi toqtap qalady. Sondyqtan Asekeńniń ol salaǵa qanshalyqty tisi óterin ýaqyt kórseter", – dep jazady jýrnalıst óziniń feısbýktaǵy paraqshasynda.