• USD 378.65
  • EUR 430.07
  • RUB 6
  • CNY 55.1
23 Tamyz, 20:12:14
Qoryqshylardyń materıaldyq-tehnıkalyq bazasy kúsheıtiledi

08 Tamyz, 2019 Áleýmet

"Bular bizdi qatty aldap soqty". Arystyq aǵaıynnyń janaıqaıy!

O basta salynatyn úı kólemi 20 sharshy metr bolýy tıis edi.

Qoǵam belsendisi Muhtar Taıjan óziniń feısbýktaǵy paraqshasynda atyna kelip túsken arystyq turǵynnyń hatyn jarııa etti. Onda Arystaǵy jarylystardan búlingen úılerdi qalpyna keltirý jumystaryn júrgizýdegi bassyzdyqtar týraly jazylǵan, – dep habarlaıdy Qamshy.kz aqparat agenttigi.

"Assalaýmaǵaleıkým, Muhtar aǵa!

Meniń esimim – Sadyq Yrysbek. Arys qalasynyń turǵynymyn. Dýlatov 69-úıde turamyz. Kópbalaly otbasymyz. Úıde jalǵyz ózim jumys isteımin (jumyspen qamtý ortalyǵynda). Anam qoǵamdyq jumysta (qoǵamdyq jumys boıynsha eden jýady). Bizdiń úı snosqa ketti. Úıdi tehpasport boıynsha soǵatyn bolǵan".

Sadyq Yrysbektiń aıtýynsha, o basta salynatyn úı kólemi 20 sharshy metr bolýy tıis edi.

Arys

"Biz kelisim berip, úıdi buzdyq óz kúshimizben. Endi soǵýshylar kelip úıdi 10 kvadrat etip soǵamyz dep jatyr. Úıde 7 adambyz. Joǵaryda aıtqanymdaı, tek ózim ǵana jumys isteımin. Kópbalaly, áleýmettik jaǵdaıymyz tómen sanatqa jatamyz. Bular bizdi qatty aldap soqty. О́tinish, bir shara qylsańyz eken. Baratyn jerdiń bárine bardyq, bári dóreki shyǵaryp saldy. Eshkim qulaq asqysy kelmeıdi. Bilmeımizden basqa sózderi joq. Nómirim 87711498169.

P.S. Barlyq qujattar bar. Aldyńǵy soǵyp beremiz degen plandarymen birge" – dep jazady Arys qalasynyń turǵyny sharasyzdyqtan.

Muhtar Taıjan bundaı jaǵdaıdaǵy adamdar kóp deıdi. Sonda qurylysqa jaýapty adamdar kózboıaýshylyqpen aınalysyp otyr ma? Ýádeni úıip tókken ákimdik qaıda qarap otyr?! Bastaryna aýyr náýbet túsip, ábden qınalǵan jurtty bulaı qınaı túsýge jol berilmeýi tıis. Máseleniń mán-jaıy anyqtalyp, dereý ońdy sheshilýi kerek!

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir