• USD 468.56

  • EUR 497.56

  • RUB 7.3

  • CNY 67.18

29 Naýryz, 19:24:03
Almaty
+35°

08 Tamyz, 2019 Álem

Qyrǵyzdyń UQK basshysy: Jappaı qyryp tastaýǵa buıryq bermegenime ókinemin

Sondaı-aq ol tańerteń Qaýipsizdik keńesiniń otyrysynda Sooronbaı Jeenbekovke otstavkaǵa ketkisi keletinin aıtqan eken. О́ıtkeni bul oqıǵada MUQK basshysy óziniń kinási de bar dep esepteıdi.

Qyrǵyz Respýblıkasynyń Memlekettik ulttyq qaýipsizdik komıtetiniń bastyǵy Qoı-Tashta jappaı qyrýǵa buıryq bermegenine ókinedi dep jazady Qamshy.kz aqparat agenttigi 24.kg saıtyna silteme jasap.

Arnaıy operasııa kezinde qaza tapqan ofıser eldiń ońtústiginde terrorısterdi ustaý boıynsha arnaıy operasııalarǵa qatysqan. Bul týraly Parlament otyrysynda Memlekettik ulttyq qaýipsizdik komıtetiniń tóraǵasy Orozbek Opýmbaev málimdedi. Onyń aıtýynsha, Úsenbek Nııazbekovtiń Leıtenant degen laqap aty bolǵan. Ol 2006 jyly arnaıy jasaqtyń aǵa ofıseri bolǵan, sol kezde ol granatamen sodyrlardyń kózin joıyp, lańkestik áreketti boldyrmaǵan.

"Ol 2009 jyly О́zgendegi sodyrlarmen qaqtyǵysta birinshi bolyp ishke enip, barlyq isti tyndyrǵan. Úsenbek Nııazbekov jáne basqalar da qanshama arnaıy operasııalarǵa qatysty. Osy ýaqyt ishinde bir adam ǵana jeńil jaraqat aldy. Biraq ol kezde biz oq-dárisi bar, qarý asynǵan terrorısterge qarsy turdyq. Bul jerde eshkim Almazbek Atambaev qarýsyz jigitterge oq ata bastaıdy dep kútpegen. Sol kezde jappaı qyrýǵa buıryq bermegenime ókinemin", - dedi Orozbek Opýmbaev.

Sondaı-aq ol tańerteń Qaýipsizdik keńesiniń otyrysynda Sooronbaı Jeenbekovke otstavkaǵa ketkisi keletinin aıtqan eken. О́ıtkeni bul oqıǵada MUQK basshysy óziniń kinási de bar dep esepteıdi.

Keshe túnde MUQK arnaıy kúshteri Qoı-Tash aýylynda eldiń burynǵy prezıdenti Almazbek Atambaevty ustaýǵa tyrysty. Alaıda, shabýyl sátsiz boldy. Atambaevtyń jaqtastary arnaıy kúshterdi burynǵy memleket basshysynyń úıine kirgizbedi. Ekinshi ustaý áreketi kezinde tártipsizdikter bastaldy. Jaraqat alǵandar men zardap shekkender bar. Keminde 50 adam Bishkek pen Shý oblysyndaǵy aýrýhanalarǵa jetkizildi. Alfa komandıriniń orynbasary myltyqtan jaraqat aldy. Ol aýrýhanada qaıtys boldy. Shý oblysy Ortalyq ishki ister basqarmasy bastyǵynyń basyna da oq tıdi. Ol komada jatyr.

 

Derekkóz: Zakon.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir