08 Tamyz, 2019 NEWS
Alakólge las sý aǵyzǵan qonaq úı depýtattyki bolyp shyqty
Qoqtem Grand Resort meımanhanalar jelisin basqaratyn "AlmaTradeGroup" JShS-y Almaty qalalyq máslıhatynyń depýtaty Murat Ádilhanovqa tıesili..
Almaty oblysynyń ekologııa Departamenti "AlmaTradeGroup" JShS-ǵa kezekten tys tekserý júrgizdi. Búginde keltirilgen shyǵyn kólemi anyqtalyp jatyr, dep habarlaıdy Qamshy.kz aqparat agenttigi Ekologııa, geologııa, jáne tabıǵı resýrstar mınıstrliginiń habarlamasyna silteme jasap.
Aqpasý Alakól jaǵasynda ornalasqan eki basseıinnen zańsyz ornatylǵan qubyrlar arqyly aǵyzylǵan.
Departament kásiporynnyń qujataryn tekserip, sý quramynan synama alyp kelesideı qorytyndyǵa kelgen:
"Aqpasý ekologııalyq saraptama qorytyndysynsyz jáne qorshaǵan ortaǵa emıssııalaý ruqsatynsyz aǵyzylǵany anyqtaldy. Ákimshilik aıyppul salynyp, aqpasý tógilgen qubyrlardy demontajdaý týraly uıǵarym shyǵaryldy".
Endi Almaty oblystyq ekologııa Departamenti kásiporynnyń qyzmetin toqtatý týraly sotqa talap-aryz túsirmek.
Ekologııa mınıstrliginiń málimetinshe, qorshaǵan ortaǵa tóner esh qaýip joq. Jaǵdaı Departament pen Qazgıdromettiń baqylaýynda.
Eske sala keteıik, Almaty qalalyq máslıhatynyń depýtaty Murat Ádilhanov Qoqtem Grand Resort qonaqúıin 2018 jyly Almaty oblysynyń ákimine tanystyrǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir