Atambaev: Men atysatynymdy eskertkenmin

Qyrǵyzstannyń eks-prezıdenti búgin saǵat 11-de úıiniń aldyna jıylyp turǵan halyqqa shyǵyp, málimdeme jasady dep jazady Qamshy.kz aqparat agenttigi kg.akipress.org saıtyna silteme jasap.

Almazbek Atambaev óziniń jaqtastarymen birge saǵat 16:30 -da  "Medıa forým" ǵımaratyna barýdy josparlap otyr.

"Adamdardyń jartysy  "Medıa forým" jaqqa, al ekinshisi "Aq úı" jaqqa barǵysy kelip otyr. Biraq biz aldymen "Forýmǵa", al eger qajet bolyp jatsa "Aq úıge" de baramyz.",- deıdi Atambaev.

Sonymen qatar Atambaev tutqynda ustap otyrǵan arnaıy jasaq qyzmetkerlerin jiberetinin de aıtty. Eks-prezıdent óziniń úıine ony qamaý úshin kelgenderge qarsy oq jaýdyratynyn aldyn-ala eskertken bolatyn.

"Men birneshe aı buryn atysatynymdy aıtqan edim. Bul jerdeqarý tek mende ǵana bar. Men úshinshi qabatta otyrdym. Qarapaıym halyqtyń qolynda "rogatka" da bolǵan joq. Teledıdarda "halyqtyń qolynda qarý bar" dep ótirik aıtyp jatyr.