Prokýratýra sábı ólimi faktilerine baılanysty aýqymdy tekserýler júrgiziletinin málimdedi. Medıkter ne aıtady ? 

Sábı ólimi faktileri boıynsha dárigerlerdiń kinási bar ma – osyǵan qatysty qyzmettik tergeý júrgiziletinin Atyraý oblysynyń prokýratýrasy málimdedi. Habarlanǵandaı, bıyl oblystyq perınataldyq ortalyqta 133 sábı ólgen. Olardyń 56 týǵan boıda shetinese, 77 anasynyń qursaǵynda jatyp ajal tapqan dep jazady Qamshy.kz aqparat agenttigi.

Dárigerler shuǵyl brıfıng shaqyryp, keıbir jáıtterge nazar aýdardy. Máselen, ólgenderdiń jalpy sany 133 emes, 56 sábı. Al, qalǵan 77-i – 6 apta, nemese 20, 25 apta sııaqty merzimde shetinegender.

Al, medısınalyq statıstıkaǵa ilikken 56 náresteniń týǵandaǵy salmaǵy ártúrli. Aıta ketetin jáıt, bıyl salmaǵy bir jarym kelige jetpeı týǵan sábılerdiń sany artqan – bul eń osal kategorııa, olardyń arasynda, ásirese, 1 kelige jetpeı týǵandardyń arasynda shetineý kóp bolady.      

Buryndary salmaǵy 600-800 gramm (bul –dene salmaǵy ekstremaldy tómen, eń osal kategorııa) nárestelerdi dárigerler saqtap qala almaıtyn edi. Bıyl osyndaı sábılerdi aman saqtap, qatarǵa qosqan jaǵdaılar boldy.

Sondaı-aq, qaıtys bolǵan 56 náreste respıratorlyq dıstress-sındromymen (ókpeniń tynystaýǵa qabiletsizdigi), basqa da damý kemistikterimen týǵan.              

Oblystyq densaýlyq saqtaý basqarmasynyń basshysy Mánshúk Aımýrzıeva jarty jyldyń qorytyndysymen sábı ólimi turaqtanǵanyn habarlady. Al, bıylǵy jyldyń jeti aıynda ótken jyldyń salystyrmaly kezeńine qaraǵanda bul kórsetkish 1 prosentke tómendegen. Materıaldyq-tehnıkalyq bazany jaqsartý jáne kadrlardy daıyndaý boıynsha alynyp jatqan sharalar aldaǵy ýaqytta oń nátıje beredi dep kútilýde.

"Bıylǵy jyly sábı óliminiń ishinde kúni jetpeı týylǵan balalardyń úles salmaǵy basym. О́tken jyldyń osyndaı kezeńimen salystyrǵanda olar eki ese kóp týǵan",-dedi M.Aımýrzıeva.     

Onyń aıtýynsha, bul osyndaı nárestelerdiń ómirsheńdigi óte tómen ekenin kórsetedi. Desek te, ótken jyly mezgili jetpeı, dene salmaǵy ekstremaldy tómen bolyp týǵan sábılerdiń shetineýi 100% bolsa, qazir osyndaı 4 náresteni dárigerler aman alyp qaldy. Sondaı-aq, bıyl dúnıege kelgen balalar ótken jylmen salystyrǵanda az bolǵandyqtan, janamaly túrde bul da kórsetkishke áser etedi – bala týý neǵurlym az bolsa, kórsetkish ótken jylmen salystyrǵanda soǵurlym joǵary bolady.    

Brıfıngke qatysqan, oblystyq perınataldyq ortalyqtyń neonataldyq qyzmetiniń basshysy Gúlmıra Abekeevanyń aıtýynsha, perınataldyq ortalyq regıondaý boıynsha úshinshi deńgeıde. Iаǵnı, bunda eń aýyr ekstragenıtaldyq patologııasy bar áıelder, júktiligi óte kúrdeli, qıyn jaǵdaıda ótip jatqan, sondaı-aq, buryn balasy shetinegen áıelder qabyldanady. Deni saý áıelder bunda kelmeıdi. Al, kórsetkishter, bir qaraǵanda joǵary bolǵanymen, ótken jylmen salystyrǵanda az-muz ósken. Tipti, ótken jyly salmaǵy 1 kelige deıingi jańa týǵandardyń ishinde tiri qalǵany bolmasa, bıyl osyndaılaryń jalpy sanynan 20% deıini aman qalǵan. 

M.Aımýrzıeva áıelderdiń densaýlyǵy nasharlap ketkenin de aıtty. Aýyryp júrip júkti bolǵandar, ınterval saqtamaı besinshi-altynshy balany týatyndar bar.         

Oblystyq densaýlyq saqtaý basqarmasy basshysynyń orynbasary Aıgúl Qudamanovanyń aıtýynsha, memleket basshylyǵynyń, mınıstrliktiń saıasatyna sáıkes ana men bala máselesine árdaıym basymdyq beriledi. Mezgili jetpeı týǵan balalar sany óskeni baıqalyp, eskerilip otyr. О́tken jyly Atyraý oblysynda bosanýǵa kómektesý sharalaryna 1 mlrd. 300 mln. teńgege jýyq qarajat jumsaldy.          

Atyraý oblysy úshin ózekti másele - bolashaq analardyń anemııaǵa ushyraýy. Árbir ekinshi júkti áıel anemııadan zardap shegedi. Bul tuqym qýalaýshylyqtan da bolady, áıeldiń ómir saltyna da baılanysty. Medıkterdiń aıtýynsha, ómir salty men ekologııanyń júkti áıeldiń jaǵdaıyna áseri 55% quraıdy eken. Al, Atyraýdaǵy ekologııalyq ahýal máz emes. 

Dinı nanymnyń yqpalymen júktilik kezinde zertteýden ótýden qashqaqtaıtyn, qajetti vaksınalar men dári-dármekten bas tartatyn áıelder bar.       

Úıde bosaný faktileri de kezdesedi – oblys boıynsha aıyna 5-6 jaǵdaı. Biraq, keıde bir kúnde úsh ret osyndaı oqıǵa kezdesip qalatyny bolady. Bundaı jaǵdaılardyń negizgi sebebi – «Jedel járdemniń» kesh shaqyrylýy. Biraq, joǵaryda aıtylǵandaı dinı kózqarasyna baılanysty ádeıi úıde bosanatyndar da bar. Keıin olardy sábılerimen perınataldyq ortalyqqa aparýǵa týra keledi.

Bundaı jaǵdaılar ana men bolashaq sábıge qater tóndiretini anyq.