Atyraý oblysynyń memlekettik ınspektorlary qyzmetkerlerge olardyń quqyqtaryn túsindirdi

Atyraý oblysynda «Reform stroı» JShS-niń 176 qyzmetkeri kelisim-shart merzimi aıaqtalǵasyn jumyssyz qaldy. Atyraý oblysy memlekettik eńbek ınspeksııasy basqarmasynyń basshysy Igilik Áýbákirov habardar qylǵandaı, bul jerde eńbek zańnamasyn buzýshylyq bolǵan joq, dep habarlaıdy Qamshy.kz aqparat agenttigi.​ ​ ​

"Reform stroı" JShS-i kontrakt boıynsha «SSER»kompanııasy úshin montajdyq jumystardy atqarǵan bolatyn. Kontrakt 2018 jyldyń naýryz aıynan bastap jasalǵan. Jumystardyń belgili bir túrleri aıaqtalǵasyn, jasalǵan eńbek kelisim-sharttary toqtatylady. Kompanııanyń qyzmetkerleri bizge kelip, olarǵa túsinik berildi", – dedi Igilik Áýbákirov.​ ​ ​ ​

QR Eńbek kodeksiniń 30 jáne 51 baptaryna sáıkes, jumystardyń aıaqtalý datasy eńbek kelisim-shartynyń bitý merzimi bolyp tabylady. Al, kelisim-sharttyń ózi belgili bir jumystardyń oryndalý merzimine jasalady. "Reform stroı" JShS osylaı jasaǵan. Barlyq jumystar sáýir aıynyń basynda aıaqtalǵanyna qaramastan, qyzmetkerler maýsym aıynda jalaqylaryn aldy. Budan bólek, shildede jumystar júrgizilmegenine qaramastan, qyzmetkerlerge osy aıǵa jalaqy 100%tólenedi, sondaı-aq, 2019 jyldyń tamyz aıynyń 4 kúni úshin jalaqy beriledi.

"Aıta keteıin, bul jerde eshqandaı eńbek zańnamasyn buzýshylyq bolǵan joq. Bul naryqtyq qatynastar. Eshkim eshkimdi qysqartyp nemese jumystan shyǵarǵan joq. Jumys oryndalǵan soń eńbek kelisim-shartynyń qoldanysy aıaqtalady", – dep atap ótti Igilik Áýbákirov