• USD 378.65
  • EUR 430.07
  • RUB 6
  • CNY 55.1
26 Tamyz, 16:24:13
Nyǵmatýlın Parlamenttiń qos palatasyn birlesken otyrysqa shaqyrdy

07 Tamyz, 2019 NEWS

"Qyzmetterinen bosatýǵa deıin baramyz!": Erlan Turǵymbaev polısııa departamentiniń basshylaryna

Ishki ister mınıstri Erlan Turǵymbaev Pavlodar oblystyq polısııa departamentiniń basshylaryn jumystan shyǵarýǵa ýáde berdi dep habarlaıdy Qamshy.kz aqparat agenttigi Tengrinews.kz saıtyna silteme jasap.

IIM basshysynyń Pavlodar oblysynyń polısııa qyzmetkerleriniń jumysyna kóńilin tolmaı otyr. 

Nur Otan partııasynyń qabyldaýyna osy óńirdiń turǵyndary suraqtaryn qoıdy. Ekibastuz turǵyny Naılıana Imasheva gaz ballony jarylýy saldarynan ata-anasynan aıyrylǵan eken. Ol ballondy 2018 jyly janarmaı quıý stansııasynan alǵan.

"Ol ballondy qoldanǵan joqpyz, jaı ǵana turǵan edi. Bolǵan órtten anamnyń denesiniń 95 paıyzyn, ákemniń 73 paıyzyn kúıik shaldy. Bizdi jansaqtaý bólimine jatqyzdy, biraq úshinshi kúni anam qaıtys boldy. Qylmystyq kodekstiń 204-baby boıynsha ("Bótenniń múlkin abaısyzda joıý nemese búldirý") is qozǵady", - deıdi Naılıana Imasheva.

Onyń aıtýynsha, bul jaǵdaıdan soń polıseıler sol kúıi qylmystyq is qozǵaǵan joq. О́rtten qaıtys bolǵandardyń ólimine kimniń kináli ekenin anyqtaǵan da joq.

"Qylmystyq is materıaldarynda qaıtys bolǵandar kórsetilmegen. Kimniń kináli ekeni de aıtylmaǵan, kórsetilmegen. Ekibastuz qalalyq polısııa qyzmetkerlerine hat jazdyq, biraq olar jaýap bermeıdi. Keıinirek polısııa basshysy bizdi shaqyrtyp, istiń azamattyq sotta qaralatynyn aıtty", - deıdi Ekibastuz turǵyny.

Mınıstr áıeldiń bul shaǵymyn tyńdap, qylmystyq isti tirkeýdi tapsyrdy.

"IIM ókilderine barasyz, tergeý departamentimen baılanysasyz. Barlyǵy tekserilip, tirkeledi. Sondaı-aq, onda taǵy adamdardy jiberińder. Janarmaı quıý stansııa qyzmetkerlerinen jaýap alsyn. О́rt-tehnıkalyq saraptamany qaıta jańartyńdar. Munyń esh qıyndyǵy joq", - dedi mınıstr kómekshilerine.

Osydan keıin Turǵymbaev Pavlodar oblysyna turǵyndar jıi aıtatyn shaǵymdarmen aınalysatyn arnaıy komıssııany jiberýge ýáde berdi.

"Jazalaý týraly buıryq daıyndap qoı, qyzmetterinen bosatýǵa deıin baramyz. Pavlodar, estip tursyzdar ma? Sizderdiń departament basshylaryńyz eńbek demalysynan qashan shyǵady? Osy másele boıynsha tekseris júrgiziledi? Eki adam qaza tapty, eki adamdy kúıik shaldy - kináliler joq pa? Jalpy, Pavlodar, sizderdiń jumystaryńyzǵa kóńilim tolmaıdy? Adamdar osylaı shaǵymdaryn aıtyp jatyr, biraq eshqandaı reaksııa joq. Qazir osy derekterdi tekseretin adamdardy jiberemin", - dedi ishki ister mınıstri.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir