• USD 468.56

  • EUR 497.56

  • RUB 7.3

  • CNY 67.18

29 Naýryz, 03:52:41
Almaty
+35°

07 Tamyz, 2019 NEWS

"Aǵylshyn tilin úıretip júr": Qazaqstannyń Qytaıdaǵy elshiligi Aqjarqyn Turlybaıǵa qatysty málimet berdi

Osydan bes jyl buryn ustalǵan Qazaqstan azamaty qazir Qytaıdyń Gýanchjoý qalasyndaǵy túzetý mekemesinde qamaýda otyr

Qazaqstannyń syrtqy ister mınıstrligi Qytaıda jazasyn ótep jatqan Aqjarqyn Turlybaıdyń qazirgi jaǵdaıy týraly aıtty, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp. 

Qazaqstannyń Qytaıdaǵy elshiliginiń málimetine súıensek, Turlybaı qasyndaǵy sottalǵandarǵa aǵylshyn tilin úıretip júr.

"Kórkem ádebıetterdi oqıdy. Dene shynyqtyrýmen aınalysady. Qytaı tilin jaqsy meńgerip alǵan. Túzetý mekemesindegi jaǵdaıǵa qatysty shaǵymy joq", - delingen syrtqy ister mınıstrliginiń resmı jaýabynda.

Qazaqstannyń Qytaıdaǵy elshiliginiń qyzmetkerleri Gýanchjoýdaǵy túrmege baryp, Turlybaıdyń qal-jaǵdaıyn bilip turady eken. Buǵan qosa, aqshalaı kómek kórsetip, suraǵan kitaptaryn taýyp beredi.

Mınıstrliktiń aqparatynsha, qazir Aqjarqyn Turlybaıdyń isi QHR Gýandýn ólkesi Joǵarǵy halyq sotynyń qaraýynda. Oǵan qatysty tergeý jumysy júrgizilip jatyr.

"Turlybaıdyń zańdy quqyqtaryn jáne múddelerin sotta qorǵaý maqsatynda "Shetelde Qazaqstannyń múddelerin bildirý" baǵdarlamasy boıynsha respýblıkalyq bıýdjetten bólingen qarajatqa Beıjińniń "Dahen" advokattyq kompanııasynan bilikti zańger jumysqa tartyldy", - delingen habarlamada.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir