Qazaqstanda oń rýldi qansha avtokólik bar?

Qazaqstandyq avtobıznes qaýymdastyǵynyń málimetinshe, 2019 jyldyń alǵashqy jartyjyldyǵynyń qorytyndysy boıynsha elde tirkelgen rýli oń jaqtaǵy kólikter sany 4 paıyzǵa azaıǵan. Atalǵan kezeńde 24 778 oń rýldi kólik tirkeýden ótken. Bul tirkelgen jalpy kólik sanynyń 5 paıyzyn ǵana quraıdy. Jyl basynan bergi alty aıda ekinshi naryqta 567 700 kólik tirkelgen.

Tirkelgen oń rýldi kólikterdiń ondyǵyn Toyota brendiniń temir tulparlary bastap tur. Olar 10 972 birlik. Keıingi oryndarda Mitsubishi (5 197), Nissan (3 452), Honda (2 508), Subaru (1 693), Mazda (508), Suzuki (114), Isuzu (38), Daihatsu (33), Mercedes-Benz (28) jaıǵasqan.

3 sáýirdegi jaǵdaı boıynsha elde 142 966 oń rýldi kólik tirkelgen. Olardyń basym kópshiligi Almaty qalasyna (44 334), Almaty (42 839) jáne Shyǵys Qazaqstan oblystaryna tıesili.

Oń rýldi kólikterdiń 45,5 paıyzy (64 myń) Toyota brendiniń úlgileri. Odan keıingi oryndarda Mitsubishi (30,5 myń), Nissan (18,1 myń), Honda (15 myń) jáne Subaru (8,3 myń). Tanymal úlgilerdiń sapynda Mitsubishi Pajero, Mitsubishi Delica, Nissan Cefiro, Honda CR-V jáne Toyota Hilux Surf bar.

Oń rýldi kólikterdiń 97,7 paıyzynyń "jasy" 20 jyldan asqan.