Almaty oblysynda taýdaǵy órtti sóndirý kezinde úsh adam qaza tapty

5 tamyzda Almaty oblysy Panfılov aýdany Taldy aýyldyq okrýginiń aýmaǵyndaǵy taýly jerlerde dala órtin sóndirý kezinde 3 adam qaza tapty Qamshy.kz aqparat agenttigi QR IIM baspasóz qyzmetine silteme jasap. 

Onyń bireýi Jarkent orman sharýashylyǵy mekemesiniń qyzmetkeri, qalǵan ekeýi órtti óz kúshterimen sóndirýge tyrysqan jergilikti turǵyndar. Sonymen qatar, 7 adam túrli dárejedegi kúıik aldy, onyń ishinde 1 adam aıaǵyn syndyrdy. Zardap shekkender Lesnovka aýylyna tikushaqpen jetkizildi, olar odan ári Jarkent qalasynyń ortalyq aýdandyq aýrýhanasyna jatqyzylady.

Oqıǵa ornynda Almaty oblysynyń TJD men Polısııa departamentiniń jeke quramynan 59 adam, 13-ten astam arnaıy tehnıka, sondaı-aq Jarkent memlekettik orman mekemesiniń qyzmetkerleri jumys isteýde. 

О́rt oshaǵyn sóndirýge órt sóndirýshiler jáne polısııa qyzmetkerlerimen birge jergilikti turǵyndar, sondaı-aq orman sharýashylyǵy qyzmetkerlerinen qurylǵan erikti órtke qarsy qurylymdar jumyldyryldy. 

Taýly jerdegi órtti sóndirý qıyndyq týǵyzýyna baılanysty sýaǵar qurylǵysy bar MI-8 tikushaǵy tartyldy. Jaqyn mańda sý alatyn aıdyn-kól bolmaǵandyqtan, áýe kemesi adamdardy tasymaldap, qorjyndy búrikkishterdi sýmen qamtamasyz etý úshin jumys istedi.

Qazirgi ýaqytta órtti sóndirý boıynsha jumystar jalǵasýda. О́rt oshaqtaryn oqshaýlaý úshin qosymsha kúshter men quraldar tartyldy. Oqıǵa ornyna taǵy bir «Qazavıaqutqarý» tikushaǵy jiberildi.  

Ishki ister mınıstrligi Tótenshe jaǵdaılardy joıý kezinde qaza tapqan jáne zardap shekkenderdiń otbastaryna kóńil aıtady.