• USD 378.65
  • EUR 430.07
  • RUB 6
  • CNY 55.1
21 Tamyz, 09:30:56
Alpınısterdiń naqty qaı jerde ekeni áli belgisiz

06 Tamyz, 2019 Saıasat

"Ýaqyty kelgende barlyǵyn biletin bolasyzdar": Ǵabıdolla Ábdirahymov Londondaǵy vıdeosyn túsindirdi

Shymkent qalasynyń eks-ákimi Ǵabıdolla Ábdirahymov óziniń otstavkasy týraly pikir bildirdi dep habarlaıdy Qamshy.kz aqparat agenttigi.

"Shynymda aıtsam, ázirshe pikir bildiremin dep oılaǵan joq edim. О́zderińiz kórgendeı, men Instagram jelisinde ózimniń ustanymym týraly post jazǵan edim. Prezıdenttiń sheshimi talqylanbaıdy. Kez kelgen adamnyń basynda bolyp jatqan jaıt, óziniń jeke jaýapkershiligi. Men jaýapty adam retinde barlyǵyn túsinemin. Biz saıası memlekettik qyzmetkerlermiz. Saıasatta mundaı jaǵdaılar bolyp turady, erekshe eshteńe kórip turǵan joqpyn. Sondyqtan men óz Otanymnyń patrıotymyn. Men Qazaqstanda turyp, elimde qyzmet etemin (...) Mende bári jaqsy", - dep jazba qaldyrǵan Ǵabıdolla Ábdirahymov. 

"Jańa ákimdi taǵaıyndaǵan kezde Ákimshilik basshysy bul negizgi ustanym ekenin aıtty. Shyny kerek ol (vıdeo) Otanynan jyraq ketpeý úshin jastardy yntalandyrý maqsatynda túsirilgen edi. Qazaqstanda álemdi aralaý úshin barlyq jaǵdaı jasalǵan. Bizdiń elde kásippen aınalysyp, ákimderden de kóp qarajat tabýǵa bolady. Sondaı sheshim qabyldanǵannan keıin, men ony talqylamaımyn. Biz basshylyqtyń sheshimin talqylamaıtyn soldatpyz", - deıdi eks-basshy.

Sondaı-aq Ǵabıdolla Ábdirahymov bolashaq josparlary týraly keıinirek bólisetinin aıtty. "Ázirshe qupııa retinde saqtaı turýǵa ruqsat etińizder. Ýaqyty kelgende barlyǵyn biletin bolasyzdar", - deıdi Ǵabıdolla Ábdirahymov.

"Árıne elimizde bolyp jatqan jaǵdaılarǵa beı-jaı qaraı almaımyn. Men óz ustanymymdy bildirip, óz jumystarymdy bólisip otyramyn. Eshqaıda jasyrynyp nemese qashyp ketetin oıym joq. Men qylmysker emespin. Men Otanymnyń adal azamatymyn. 20 jyl memlekettik qyzmette jumys istedim. Osy úshin elimiz ben Elbasy Nursultan Ábishuly Nazarbaev pen Prezıdent Qasym-Jomart Toqaevqa alǵysym sheksiz. Meniń oıymsha, bul maǵan artylǵan zor senim. Men tek jaǵymdy emosııalarǵa tolymyn, mende bári jaqsy", - deıdi jazbasynda eks-ákim. 

Sonymen qatar eks-basshy memlekettik qyzmet týraly da oıyn aıtty. "Joq, men memlekettik qyzmetti saǵynatyn bolamyn dep aıta almaımyn. Bul da bir kezeń boldy, endi jańa kezeń bastalady, bul qalypty jaǵdaı ǵoı. О́mir jumyspen shektelip qalmaıdy. Toqtap qalýǵa bolmaıdy. Alǵa qaraı jyljyp, jaqyndaryma, qoǵamǵa paıdaly ispen aınalysý kerek. Memlkettik qyzmette jumys istemeı-aq qoǵamǵa kómektesýge bolady. Meniń oıymsha kásipkerler qoǵamǵa belsene kómektesip jatyr: olar salyq tóleıdi, jaqsylyq jasap, zavod fabrıkalar salyp jatyr", - deıdi Ǵabıdolla Ábdirahymov.

Ǵabıdolla Ábdirahymovtyń aıtýynsha, ol Nur-Sultan qalasynda turatyn bolady. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir