Prezıdenttiń kenje qyzy basshylyq qyzmetke taǵaıyndaldy

О́zbekstan prezıdenti Shavkat Mırzııoevtiń kenje qyzy Shahnoza Mırzııoeva respýblıkanyń bilim mınıstrliginiń mektepke deıingi bilim berý salasynda saıasat qalyptasyrý jáne júrgizý bas basqarmasynyń basshysy bolyp taǵaıyndaldy dep habarlaıdy Qamshy.kz aqparat agenttigi Sputnik О́zbekstan saıtyna silteme jasap.

2017 jyldyń jeltoqsanynan bastap búginge deıin Shahnoza Mırzııoeva mektepaldy mekemelerdiń jumysyn uıymdastyrý jáne strategııalyq damý bas basqarmasynyń basshysy Elena Tenniń orynbasary bolyp qyzmet etken edi. Keıin bul vedomstvo mektepaldy bilim berý uıymdarynyń jumysyn úılestirý, taldaý jáne strategııalyq damý basqarmasy bolyp qaıta quryldy.

Budan buryn habarlaǵanymyzdaı, bıyl sáýir aıynda Shavkat Mırzııoevtiń úlken qyzy da basshylyq qyzmetke keldi. Dálirek aıtqanda, Saıda Mırzııoeva aqparat jáne buqaralyq kommýnıkasııalar agenttigi dırektorynyń orynbasary bolyp taǵaıyndaldy. Ol О́zbekstannyń sheteldegi jaǵymdy beınesin qalyptastyrý boıynsha máselelerdi basqarady.