Arysta 6 myńnan astam otbasy jóndelgen úılerine kirdi

Arys qalasynda 6,5 myńnan astam turǵyn úı qalpyna keltirildi dep habarlaıdy Qamshy.kz aqparat agenttigi Túrkistan oblysy ákiminiń baspasóz qyzmetine silteme jasap. 

Qalany qalpyna keltirýge 10 myńnan astam qurylysshy atsalysty. Búgingi tańda Arys qalasyndaǵy qurylys jumystarynyń 90%-dan astamy aıaqtalyp otyr. Atap aıtsaq,  onyń ishinde, tirshilikti qamtamasyz etetin nysandar men ınfraqurylymdary qalpyna keltirildi. Búginde 6,5 myńnan astam turǵyn úı qalpyna keltirilip, 6,5 myń otbasy jóndelgen úılerine kirdi. Barlyq ınjenerlik ınfraqurylym tolyq jóndeýden ótkizildi. Kósheler aýqymdy túrde rekonstrýksııalandy. 62 áleýmettik nysan, sonyń ishinde – aýrýhanalar, mektepter, balabaqshalar, sport obektileri 20 tamyzǵa deıin daıyn bolady.

Qazirgi tańda zardap shekken 7516 bir qabatty jeke úılerdiń 6611-i nemese 90 paıyzy  jóndeýden ótkizildi. Qalǵan 905 bir qabatty jeke úılerdi jóndeý jumystaryn 10 tamyzǵa deıin aıaqtalady. 67 kópqabatty úılerdi qalpyna keltirý boıynsha jumystardy 20 tamyzǵa deıin aıaqtaý josparlanýda. Barlyq 66 áleýmettik nysandy qalpyna keltirý jumystary 20 tamyzǵa deıin bitpek. Osyǵan oraı, Shtabtardyń jumysy 20 tamyzǵa deıin jalǵasady.

Aıta keteıik, Arys qalasyn qalpyna keltirýge barlyq óńirler, sondaı-aq respýblıkalyq mańyzǵa ıe qalalar da óz úlesin qosyp jatyr.