• USD 378.65
  • EUR 430.07
  • RUB 6
  • CNY 55.1
21 Tamyz, 09:36:30
Alpınısterdiń naqty qaı jerde ekeni áli belgisiz

05 Tamyz, 2019 Ekonomıka

Shetelden taýar alýǵa tyıym salynady

Bul bastamany Úkimet kóterip otyr.

Qazaqstandyq sheneýnikterge sheteldik taýarlardy satyp alýǵa tyıym salynýy múmkin dep habarlaıdy Qamshy.kz aqparat agenttigi Eýrazııa arnasyna silteme jasap. 

Onyń ishinde jıhaz, kıim-keshek pen turmystyq zattar bar. Qaýlynyń jobasy ımporttalatyn jeńil ónerkásip, qurylys materıaldaryn memlekettik satyp alýlarǵa qatysýǵa eki jylǵa shekteý qoıýdy kózdeıdi. Bul bastamany Úkimet kóterip otyr.

Qazir joba normatıvtik-quqyqtyq aktiler saıtynda ashyq talqylaýǵa tústi. Shekteý qoıylatyn taýarlardyń tizimine taǵy qandaı zattar kiredi?

Memlekettik qyzmetkerler endi "brendtik" taýarlardy ýaqytsha umytýy múmkin. О́ıtkeni, Úkimet ishki óndiris naryǵyn qorǵaý úshin, ulttyq ekonomıkany damytý maqsatynda memlekettik satyp alýlarǵa shetelden tapsyrys berýge tyıym salmaqshy. Qatań baqylaýǵa ilikken  taýarlardyń tiziminde taǵy mynadaı zattar bar.   

  1. Sporttyq, shańǵy jáne shomylýǵa arnalǵan kostıýmder, jalpy kıimder.
  2. Tósek, ashana, dárethana jáne as úı jabdyqtary.
  3. Sý kirmeıtin aıaq-kıimder.
  4. Rezeńke nemese plastamassadan ázirlengen qonyshy uzyn aıaq-kıimder.
  5. Ofıske arnalǵan aǵashtan nemese metalldan jasalǵan jıhazdar jáne t.b kiredi.

Shetten ımporttalatyn taýarlardy shekteý arqyly jergilikti kásibin endi ǵana bastaǵan, memleket tarapynan qoldaýǵa zárý kásipkerlerge kóp kóńil bólinbek. Máselen, jýyrda ǵana Shymkenttik taýar óndirýshiden memleket basshysy Qasym-Jomart Toqaev ta 43 ólshemdegi aıaq kıim satyp alǵan bolatyn. Baǵasy da qol jetimdi - 21 myń teńge. Bul jóninde áleýmettik jelini belsendi paıdalanatyn prezıdent tvıtterdegi paraqshasynda málimdedi.         

"Jaqynda etik tigetin jas kásipker týraly jaqsy suhbat jarııalandy. Otandyq ónimdi qoldaý maqsatynda men de bir aıaq kıimin satyp aldym. Adal eńbek etip, naqty kásippen aınalysýǵa degen kózqaras ornyǵýy tıis".

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir