О́zbekstannyń Olıı Majlısiniń Zań shyǵarý palatasynyń Spıkeri Nýrdınjon Ismoılov Abaıdyń 175 jyldyǵyna arnalǵan chellendjge qatysty. О́zbekstan Parlamenti palatasynyń Spıkeri estafetany áriptesi, Májilis Tóraǵasy Nurlan Nyǵmatýlınnen qabyldady.
Abaı tek aqyn ǵana emes, uly oıshyl da bolǵan. Ol beıbitshilik pen ózara túsinistik jaǵdaıynda ǵana memleketter arasynda qoǵamnyń irgeli kúshteri: ǵylym, ozyq ıdeıalar, mádenıet damı alady, - dedi Olıı Majlıstiń Zań shyǵarý palatasynyń Spıkeri.
Nurdınjon Ismoılov О́zbekstanda «Qazaqstan jyly» atalyp ótip jatqanda mundaı estafetanyń ótkizilýi eki el arasyndaǵy máńgilik jáne shynaıy dostyqtyń, mádenı jáne rýhanı birlestiktiń belgisi ekenine erekshe nazar aýdardy.
Bizdiń baýyrlas halyqtarymyzdy ortaq taǵdyr men bolashaq baılanystyrady, - dedi ózbek spıkeri.
Nýrdınjon Ismoılovtyń aıtýynsha, О́zbekstanda jyl saıyn 10 tamyzda aqynnyń týǵan kúnine oraı onyń shyǵarmashylyǵyna arnalǵan saltanatty sharalar ótedi. Tashkent memlekettik pedagogıkalyq ýnıversıtetinde «Abaı jáne ózbek ádebıeti» turaqty kórmesi jumys istep, mektep oqýshylary men stýdentter arasynda Abaı shyǵarmalaryn úzdik tanýǵa arnalǵan baıqaýlar ótkiziledi.
Olıı Majlıstiń Zań shyǵarý palatasynyń Spıkeri Nurdınjon Ismoılov Abaı óleńiniń úzindisin ózbek tilinde oqyǵannan keıin, estafetany Qazaqstannyń О́zbekstan Respýblıkasyndaǵy Tótenshe jáne О́kiletti Elshisi Darhan Satybaldyǵa joldady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir