Poıyzda zorlanǵan kelinshek qazaqstandyqtarǵa úndeý jasady

"Talgoda" zorlanǵan qazaqstandyq kelinshek qoldaý bildirgenderge alǵys aıtyp, Facebook jelisindegi "NeMolchı.kz" paraqshasynda qazaqstandyqtarǵa úndeý jasady dep habarlaıdy Qamshy.kz aqparat agenttigi.

"Jańalyqtardy oqydym, BAQ-tarda kórsetilgen reportajdardy kórdim, sizderdiń kómekterińizben bul qylmystyń halyq arasynda shý shyǵarǵanyn túsindim! Elimizde birde-bir áıeldiń, birde-bir balanyń mundaı zorlyq kórmeýin qalaımyn, olardyń qorǵaıtyn adamdar bar ekenin sezgenin qalaımyn", - delingen jazbada.

Zardap shekken kelinshektiń aıtýynsha, ol áli kúnge deıin qaıǵyly jaǵdaıdy umytar emes.

"О́zim kóp oqydym, kóp jumys istedim, birneshe elde boldym, ár eldiń mádenıetin kórip-bilip, óz elime únemi súıispenshilikpen oralatynmyn. Elimde meni qorǵaıtyn adamdardyń bar ekenine senetinmin. Biraq kez kelgen jerde kez kelgen sátte qaıǵyly jaǵdaıdyń qurbany bolýy múmkin eken. Sol túndegi oqıǵadan keıin ómirimde endi sumdyq eshteńe bolýy múmkin emes.

Osyǵan baılanysty men, zorlanǵan kelinshek retinde, elimizdiń basshylyǵyna jáne QR Parlamentiniń depýtattaryna seksýaldyq zorlyq jasaǵandarǵa jazany kúsheıtýdi suraımyn. Quqyq qorǵaý organdary qyzmetkerlerinen zorlandarǵa qatysty is boıynsha tergeýdiń júrý prosesin baqylaıtyn biryńǵaı algorıtm oılastyrýdy suraımyn", - dep jazdy ol.

"Men kórgen moraldyq zorlyq pen qorlaýdy qaıta zorlanýmen salystyrýǵa bolady. Zorlyq-zombylyq qurbandary qorǵalmaǵan bolyp shyqty", - dep atap ótti ol.