• USD 378.65
  • EUR 430.07
  • RUB 6
  • CNY 55.1
25 Tamyz, 07:21:23
Qoryqshylardyń materıaldyq-tehnıkalyq bazasy kúsheıtiledi

05 Tamyz, 2019 NEWS

Arys oqıǵasy. Úkimet ýádesinde turmady

Arys qalasynda turǵyn úılerdi jóndep bitpek túgili, keı nysandarda jóndeý jumystary bastalmaǵan.

Arystaǵy jóndeý jumystary 1 aıda bitken joq Buǵan deıin bılik 24 maýsymda oryn alǵan kúshti jarylystan qatty zaqym kelgen Arys qalasyndaǵy úılerdi 1 aıda jóndep bitiretinin málimdegen, dep habarlaıdy Qamshy.kz aqparat agenttigi.

QR premer-mınıstriniń orynbasary Jeńis Qasymbek úkimet úıinde ótken baspasóz máslıhatynda Arysta 250-den astam qurylys kompanııasy jumys istep jatqanyn, onda qajetti tehnıkanyń bári jetkilikti ekenin, kerek qarajat úkimettiń rezervinen tolyǵymen bólingenin aıtqan bolatyn. Osy maqsatta Arysta 10 myńnan astam qurylysshy jumys istep jatqanyn, tek qana turǵyn úı emes, bıznes obektileri, áleýmettik nysandar – aýrýhanalar, mektepter, balabaqshalar, joldar, ınfraqurylymy bir aıdyń ishinde aıaqtalatynyn habarlaǵan. Alaıda arada 1 aıdan astam ýaqyt ótti. Arys qalasynda turǵyn úılerdi jóndep bitpek túgili, keı nysandarda jóndeý jumystary bastalmaǵan.

Buǵan deıin shildeniń 27 kúni arystyqtardyń aryzymen shaharǵa arnaıy tilshi baryp, Maıly Qoja kóshesindegi 44 páterli nómiri 110-úıdiń turǵyndary esigi men terezesi qırap, túsip qalǵan páterde bir aıdan beri turyp jatqanyn kórip qaıtqan edi. Ol úıge barǵanda jóndeý jumystaryn júrgizip jatqan birde-bir qurylysshyny baıqamaǵan. Al, Túrkistan oblysyna tıesili 7 sektorda qurylys jumystary qyzyp jatyr. Biraq, mundaǵy jóndeý jumystarynyń da 1-2 kúnde bitpeıtinin ańǵarý qıyn emes. Máselen osynda 15 úıge jóndeý jumystaryn júrgizip jatqan "AG eksklıýzıv" qurylys kompanııasy ókiliniń sózine sensek, tek tamyz aıynyń sońyna qaraı jumystardyń 90 paıyzy bitedi eken.

"15 úıdi jóndep jatyrmyz. Onyń ishinde 4 úı buzylyp, qaıta salynady. Qalǵan 11 úıdi kúrdeli jóndeýden ótkizemiz. Al qalǵan 11 úıdiń taǵy 3 úıi baspanalaryn jóndeýge kelispeı otyr. Buzyp qaıta saldyramyz deıdi. Qalǵan 9 úıdi 1 tamyzda tapsyrýdy josparlap otyrmyz. Barlyq jumystardy 20 tamyzǵa qaraı 100 paıyz bolmasa da, 90 paıyz bitiremiz", – degen bolatyn "AG eksklıýzıv" kompanııasy dırektorynyń orynbasary Abjan Batýlov.

inbusiness.kz

Ilmek sózder: arys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir