• USD 378.65
  • EUR 430.07
  • RUB 6
  • CNY 55.1
20 Tamyz, 03:10:25
Abyroikz ulttyq kıimder dúkenderi jelisiniń basshysy: Sapaly adamnan ǵana sapaly ónim shyǵady

05 Tamyz, 2019 NEWS

Narynqoldyń tirshiligine qan júgire bastady

Aýyldyń ishki joldary jyldyń aıaǵyna deıin túgel asfalttalady.

Almaty oblysynyń Raıymbek aýdanynda qurylys jumystary qyzý júrip jatyr, dep habarlaıdy Qamshy.kz aqparat agenttigi "Habar 24"-ke silteme jasap.

Bastapqyda jańa aýdandy damytýǵa 2 mlrd teńge bólinse, búginde bireýiniń ǵana quny osynshama qarjyǵa teń keletin úlken ǵımarattar salynyp, iri jobalar júzege asa bastady.

Ardaq Aıbaruly, tilshi:

– Raıymbekteı batyr babamyzdyń esimimen atalatyn bul aýdannyń ortalyǵy mártebesi Narynqolǵa berilgeli beri aýyldyń kúretamyryna qan júgire bastaǵandaı. Munda eski ǵımarattar men kósheler qaıta jóndelip, jańa áleýmettik nysandar, jańa úıler salynyp jatyr. Eń bastysy kezinde qalaǵa údere kóshken turǵyndar birtindep aýylǵa oralýda. Aýdan ortalyǵyndaǵy eski áleýmettik nysandarǵa kúrdeli jóndeý jasalyp, jańa servıstik ákimdik, halyqqa qyzmet kórsetý ortalyǵy, deneshynyqtyrý-saýyqtyrý keshenderi salynyp jatyr. Qazir Narynqoldaǵy balalar oınaıtyn alańqaılarǵa kórshi aýyldyń turǵyndary da jıi keletin bolǵan.

Jazıra Qatambaeva, Qaratoǵan aýylynyń turǵyny:

– Aýrýhanamyz qaıtadan salynyp jatyr. Buryn bizde balalarǵa mynandaı múmkindikter bolmaǵan. Eger úlken kisiler kelip, jattyǵamyz dep jatsa, oǵan da múmkindik jasap qoıǵan. Qazir burynǵydaı emes, aýdanymyz shyn máninde jaqsy bolyp kele jatyr.

"Jaǵatal ózeniniń uzyndyǵy 2 shaqyrymdyq jaǵalaýyn nyǵaıtyp, onyń ústinen ótetin eki kópirge kúrdeli jóndeý jasap jatqan jaıymyz bar. Mektepterimiz jańa oqý jylyna daıyn. Qaqpaq aýylynda aýyzsý qubyry jóndelip, qys túskenshe Narynqoldaǵy kóshelerdiń barlyǵyna asfalt tóseımiz", – deıdi jergilikti bılik ókilderi.

Ǵalym Jýsanbaev, Raıymbek aýdany ákiminiń orynbasary:

– Narynqol aýylynyń óziniń ishki joldary – 54 shaqyrym. 54 shaqyrym bıylǵy jyldyń aıaǵyna deıin 100 paıyz túgel asfalttalyp, jóndeý jumystary júrgizilýde. Narynqolda ótken jyly memlekettik qyzmetshiler men bıýdjettik sala qyzmetkerlerine arnalǵan 20 arendalyq úı salynyp, paıdalanýǵa berildi. Kúzde 83 kommýnaldyq úıdiń qurylysy qolǵa alynbaqshy.

Ardaq Aıbaruly,

Qýanysh Túrgenbaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir